Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
120 Псалом
Кӱзымӧ годым мурымо муро.1 Курыкла деке вуем нӧлталам –
полыш мылам кушечын толеш?
2 Полыш мылам – Господь деч,
кава ден мландым Ыштыше деч.
3 Йолетлан Тудо ок пу тайнышташ,
тыйым Аралыше ок нералте.
4 Огеш нералте, огеш мале Израильым Аралыше.
5 Господь – тыйын Аралышет,
Господь – тыйын пурла велнет,
Тудо тыйым ӱмыл семын леведеш.
6 Кечывалым кече, йӱдым тылзе
тылат зияным огыт ыште.
7 Господь тыйым чыла осал деч арала,
илышетым [Тудо] арален кода.
8 Кайымет годым, толмет годым,
кызыт да курым-курымеш Господь тыйым арала.
Глава 120
