Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
111 Псалом
Аллилуия.1 Пиалан тудо еҥ, кӧ Господь деч лӱдеш
да Тудын кӱштымашыже-влакым чот йӧрата!
2 Тудын урлыкшо мландымбалне виян лиеш,
чын ыштыше тукым суапландаралтеш.
3 Тудын пӧртыштыжӧ – перке ден поянлык,
тудын чынлыкше курым-курымеш.
4 Чын ыштыше еҥлан пычкемыште волгыдо лектеш,
вет тудо поро, чын да чаманыше.
5 Поро еҥ чамана да кӱсын пуа,
чыла пашаже тудын чынле.
6 Тудо курымеш пеҥгыдын шога,
чын ыштышым эре шарнаш тӱҥалыт.
7 Уда увер деч тудо ок лӱд,
шӱм-чонжо Господьлан чот инана.
8 Тудо ок лӱд, огеш тургыжлане,
тушманжын сеҥалтмыжым ужеш.
9 Тудо шеледа, йорло-влаклан пуа,
чын ыштымыже курым-курымешлан кодеш,
тудын тӱкыжӧ чапланен нӧлталтеш.
10 Тидым ужын, сулыкан еҥ шыдешка,
пӱйжым пуреш да мерчен пыта.
Осал еҥын шонымыжо ок шукталт.
Тау
Глава 111
