Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
10 Псалом
Хор вуйлатышылан. Давидын псаломжо.1 Господьын полшымыжлан ӱшанен илем.
А те мылам ойледа:
«Кайык семын курыкыш чоҥештен утло!»
2 Теве осал еҥ-шамыч йоҥежыштым шупшыныт,
пикшыштым пикшвӱчыш пыштеныт
яндар шӱм-чонан-влакым пычкемыште лӱяш.
3 Негыз марте мер илыш пужлен гын,
чын ыштыше айдеме мом ыштен кертеш?
4 Господь – шке святой храмыштыже,
Господьын престолжо – пылпомышто,
Тудын шинчаже [йорло еҥым] ужеш,
Тудын ончалтышыже айдеме эрге-влакым терга.
5 Чыным ыштен илыше еҥымат,
осал айдемымат Господь терга,
а весе-влакым темдаш йӧратыше айдеме дек
Тудо ужмышудымаш дене темын.
6 Йӱлышӧ тулшолым, тул ден чӱкчыгишым
Тудо осал еҥ-влак ӱмбаке йоктара,
нунын ужашышт – когартыше мардеж.
7 Вет Господь – чын ыштыше,
Тудо чын ыштымым йӧрата;
чыным ыштен илыше-влак Тудын чурийжым ужыт.
Тау
Глава 10
