Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
8 Псалом
1 Хор вуйлатышылан. Гефысе семӱзгар дене. Давидын псаломжо.2 Господь Юмына!
Могай кӱдыратле Тыйын лӱмет пӱтынь мландымбалне!
Тыйын чапет кава деч кӱшкӧ шуэш!
3 Изи икшывын да чызе кочшын умшашт гоч
ямдыленат Тый моктымашым.
Тушманет-влак верчын тидым ыштенат,
ӱчызӧ еҥ ден тушманым пытараш.
4 Кунам мый Тыйын кидет дене ыштыме кавам,
тушто Тыйын вераҥдыме тылзым да шӱдыр-влакым ончем,
5 тунам шонем: «Мо тугай айдеме? А Тый тудым шарнет.
Але айдеме эрге? А Тый тудын дек порын савырнет.
6 Тый тудым Суксо-влак
*а деч изиш веле ӱлыкрак шынденат,
тудым чап да пагалымаш дене леведынат,
7 кидет дене ыштыметын озажлан шогалтенат,
тудын йол йымакше чыла пыштенат:
8 тыгыде ден шолдыра вольыкым, янлыкым,
9 кавасе кайык ден теҥызысе колым,
теҥызыште чыла ийын коштшым».
10 Господь Юмына!
Могай кӱдыратле Тыйын лӱмет пӱтынь мландымбалне!
Тау
*а 8:6 «Суксо-влак» – еврей текстыште ’Юмо’ але ’юмо-влак’.
Глава 8
