Выбрать язык
Книги Ветхого Завета
Книги Нового Завета
с русским текстом1 Господь Моисей ден Ааронлан каласен:2 «Теве Господьын пуымо законын пунчалже. Израиль эрге-влаклан каласе: тек нуно тый декет экшыкдыме, омытам чиктыдыме йошкар тунам кондат.3 Тудым иерей Елеазарлан пуыза. Тек тудым стан деч ӧрдыжкӧ [ару верыш] вӱден луктыт да иерей шинча ончылно шӱшкылыт.4 Вара иерей Елеазар парняж дене тудын вӱржым налеш да Юмо дене вашлийме омашын ончыл могыржым шым гана шыжыкта.5 Тек тудын шинча ончылныжо тиде тунам йӱлалтат: коваштыжым, шылжым, вӱржым, шолоражым.6 Тек иерей кедр пушеҥге комылям, иссоп укшым, йошкар меж шӱртым налеш да чыла тидым тунам йӱлалтыме тулыш кудалта.7 Тидын деч вара тек иерей вургемжым мушкеш да шкежат мушкылтеш, вара мӧҥгеш станыш пӧртыл кертеш. Кас марте тудо ару огыл.8 Тыгак йӱлалтыше еҥат шке вургемжым мушшаш да шкежат мушкылтшаш. Кас марте тудо ару огыл лиеш.9 Тек туна ломыжым иктаж ару еҥ пога да стан деч ӧрдыжтӧ ару верыш пышта. Израиль калык тудын гыч эрныктыше вӱдым ямдылыже манын, тек ломыжым аралат. Тиде – эрныктыше надыр.10 Туна ломыжым погышо еҥат тек шке вургемжым мушкеш, тудо кас марте ару огыл. Тиде – израиль эрге-влакланат, нунын коклаште илыше йотъеҥ-влакланат курым-курымеш шуктен шогышаш закон.
11 Кӧ колышо айдемын капше деке тӱкна гын, тудо шым кече ару огыл лиеш.12 Кумшо да шымше кечын тудо саде ломыж [вӱд] дене эрныме йӱлам эртышаш. Тунам тудо ару лиеш. Кумшо да шымше кечын шкенжым ок эрныкте гын, тудо ару ок лий.13 Кӧ колышо айдемын капше дек тӱкна да эрныме йӱлам ок эрте – тудо Господьын скинийжым амырта. Тыгай еҥ израиль калык кокла гыч пытарыме лийшаш. Вет тиде еҥ ӱмбаке эрныктыше вӱдым шыжыктыме огыл, садлан тудо ару огыл. Тудо ару огылак кодеш.
14 Теве закон, кунам омашыште иктаж-кӧ кола: тиде омашыш пурышо кажне еҥ да тушто лийше кажне еҥ шым кече ару огыл лийыт.15 Тушто петырыде кодымо кеч-могай ате тыгак ару огыл лиеш.16 Кӧ колышо еҥ деке але керде дене пуштмо еҥ деке, колышо еҥын лужо але шӱгарже деке нурышто тӱкна гын, шым кече ару огыл лиеш.17 Тиде еҥым эрныкташ манын, эрныктыше надыр шотеш йӱлалтыме тунан ломыжшым атыш пыштыман да тушко йогын вӱдым темыман.18 Тек иктаж ару еҥ иссоп укшым налеш, тудым тиде вӱдеш нӧрта да омаш, тушто улшо атыла да еҥ-влак ӱмбак шыжыкта. Кӧ [колышо айдемын] лужо деке, пуштмо але колышо еҥын капше деке але шӱгар деке тӱкна, тудын ӱмбакат тиде вӱдым шыжыктыман.19 Тек тудо ару огыл еҥын ӱмбакыже вӱдым кумшо да шымше кечын шыжыкта. Тыге тудо шымше кечылан ты еҥым эрныкта. Тудыжо тек вургемжым мушкеш да шкежат мушкылтеш. Кастене тудо ару лиеш.20 Кӧ ару огыл лийын да эрныктыме йӱлам эртен огыл гын, тыгай еҥ калык кокла гыч пытарыме лийшаш. Тудо Господьын святой вержым амыртен – эрныктыше вӱдым тудын ӱмбакше шыжыктыме огыл. Тудо ару огыл.21 Тиде тыланда курым-курымеш шуктен шогышаш закон. Эрныктыше вӱдым шыжыктыше еҥат шке вургемжым мушшаш. Эрныктыше вӱд деке тӱкнышӧ еҥ кас марте ару огыл лиеш.22 Мо деке ару огыл еҥ тӱкна – чылажат ару огыл лиеш. Кӧ тидын деке тӱкна – кас марте ару огыл лиеш».
Глава 19