Выбрать язык
Книги Ветхого Завета
Книги Нового Завета
с русским текстом1 Веселеил акаций дене надыр йӱлалтыме жертвенникым ыштен: ныл луканым, кутышыжат-лопкытшат – вич кынергут, кӱкшытшӧ – кум кынергут.2 Тудын ныл лукешыже ныл тӱкым ыштен, нуно жертвенник дене ик тичмаш лийыныт. Жертвенникым той дене комыжлен.3 Жертвенник пелен кучылтмо арверым той дене ыштен: атым, изи кольмо ден шаньыкым, кӱмыжым, тулшол атым.4 Жертвенниклан сетке гай той решоткам ыштен. Тудым жертвенникын кӧргӧ тӱржӧ йымаке пел кӱкшыт тураштыже вераҥден.5 Кок варам чыкашлан той решоткан ныл лукешыже ныл колчам ыштен.6 Акаций дене кок варам ыштен да нуным той дене комыжлен.7 Жертвенникым нумалаш лийже манын, вара-влакым тудын кок могырыштыжо улшо колчалашке чыкен. Жертвенникым оҥа дене ыштен, тудо яра кӧрган лийын.
8 Той дене чаным да тудым шындыме негызым ыштен. Тидлан тудо Юмо дене вашлийме омашыш пурымо верыште полышкалыше ӱдырамаш-влакын той воштончышыштым кучылтын.
9 Кудывечым ыштен: кечывалвелым – чапле йытын пӱрдыш-влакым, шӱдӧ кынергут кутышаным,10 нуным сакаш – коло меҥгым, нуныжлан той дене ыштыме коло негызым. Меҥге-влакын руалтыш ден кылдышышт ший дене ыштыме лийыныт.11 Йӱдвел могырым – шӱдӧ кынергут кутышан пӱрдышым, тудым сакаш – коло меҥгым, нуныжлан – той дене ыштыме коло негызым. Меҥге-влакын руалтыш ден кылдышышт ший дене ыштыме лийыныт.12 Касвел могырым – витле кынергут кутышан пӱрдышым, тудым сакаш – лу меҥгым, нуныжлан – лу негызым. Меҥгысе руалтыш ден кылдыш-влак ший дене ыштыме лийыныт.13 Ончыл могырым, эрвелкыла – витле кынергут кутышан пӱрдышым.14 Кудывечыш пурымо верын ик могыржылан – латвич кынергут кутышан пӱрдышым, тудлан – кум меҥгым, нунылан – кум негызым;15 вес могыржылан – латвич кынергут кутышан пӱрдышым, тудлан – кум меҥгым, нунылан – кум негызым. [Кудывечыш пурымо верын кок могырыштыжат ик семын лийын.]
16 Кудывечын чыла могыр пӱрдыш-влакше чапле йытын вынер дене,17 меҥге-влакын негызышт той дене, руалтыш ден кылдышышт ший дене ыштыме лийыныт. Меҥге вуй-влак ший дене комыжлымо лийыныт. Кудывечысе чыла меҥгым ший кылдыш-влак ушен шогеныт.18 Кудывечыш пурымо верын пӱрдышыжӧ шемалге-канде, шемалге-йошкар, йошкар меж да чапле йытын шӱртӧ дене тӱрлен куымо лийын, кутышыжо – коло кынергут. Кӱкшытшӧ кудывече пӱрдыш семынак вич кынергут лийын.19 Кудывечыш пурымо верлан ныл меҥге, нуныжлан ныл той негыз ыштыме лийын. Меҥгысе руалтыш-влак ший лийыныт, меҥге вуй-влакым ший дене комыжленыт, тыгак кылдышышт ший дене ыштыме лийыныт.20 Скинийын да кудывечын чыла кошар пашкарышт той дене ыштыме лийыныт.
21 Ойпидыш скинийым чоҥаш теве мо каен. Тидым Моисейын кӱштымыж почеш Левий тукым еҥ-влак шотлен луктыныт. Нуным Ааронын иерей Ифамар эргыже вуйлатен шоген.22 Господьын Моисейлан мом ышташ кӱштымыжым чылажымат Иуда тукым гыч Хур эрге Урийын Веселеил эргыже ыштен,23 тудлан Дан тукым гыч Ахисамах эрге Аголиав – пӱчкедыме да куымо пашам устан ыштен моштышо, тыгак шемалге-канде, шемалге-йошкар, йошкар меж да йытын шӱртӧ дене пеш устан тӱрлен моштышо еҥ – полшен шоген.
24 Святой верлан чыла мо кӱлешым ышташ кучылтмо шӧртньӧ чылаже коло индеш талант шымшӱдӧ кумло сикль*а лийын, тидым святой сикль дене висыме. Чыла тиде шӧртньым пӧлек шотеш конденыт.25 Калыкым шотлен лукмо годым погымо ший гын чылаже шӱдӧ талант тӱжем шымшӱдӧ шымле вич сикль*б – святой сикль – лийын.26 Шотлымашке пурышо коло ияш деч кугурак ийготан кажне еҥ деч – кудшӱдӧ кум тӱжем вичшӱдӧ витле еҥ деч – пел сикль дене погымо, тидыжым святой сикль дене висеныт.27 Святой вер ден тудын пӱрдышыжын негызлажым велен ышташ шӱдӧ талант шийым кучылтмо: шӱдӧ талант гыч – шӱдӧ негыз, ик негызлан – ик талант.28 А тӱжем шымшӱдӧ шымле вич сикль ший дене меҥгыласе руалтыш-влакым ыштыме, меҥге вуйым комыжлымо да кылдышлам ыштыме.
29 Надырлан кондымо той гын шымле талантат кок тӱжем нылшӱдӧ сикль лийын.30-31 Тиде тойым Юмо дене вашлийме омашыш пурымо верысе меҥге-влакын негызлаштым, той жертвенникым, тудлан той решоткам да жертвенникын чыла арвержым, тыгак уло кудывечын меҥгыже-влаклан негызлам, кудывечыш пурымо верысе меҥге-влаклан негызлам, кудывече ден скинийлан чыла кошар пашкар-влакым ышташ кучылтмо.
*а 38:24 Кызытсе виса дене тиде тӱжем кило наре лиеш.
*б 38:25 Кызытсе виса дене тиде 3400 кило наре лиеш.
Глава 38