Выбрать язык
Книги Ветхого Завета
Книги Нового Завета
с русским текстом1 Теве Адамын тукымжо. Кунам Юмо айдемым ыштен, тудым шке тӱсшӧ почеш ыштен.2 Нуным пӧръеҥ ден ӱдырамашым ыштен, да ыштыме кечын нуным суапландарен, нунылан лӱмым пуэн – айдеме.
3 Адамын шӱдӧ кумло [230] ийым илымекше, туддеч шкеж гай, тудын тӱсан эргыже шочын. Адам тудлан Сиф лӱмым пуэн.4 Сифын шочмыж деч вара Адам кандашшӱдӧ [700] ийым илен, туддеч эрге ден ӱдыр-влак шочыныт.5 Адам чылаже индешшӱдӧ кумло ийым илен, вара колен.
6 Сифын шӱдӧ вич [205] ийым илымекше, туддеч Енос шочын.7 Еносын шочмыж деч вара Сиф кандашшӱдӧ шым [707] ийым илен, туддеч эрге ден ӱдыр-влак шочыныт.8 Сиф чылаже индешшӱдӧ латкок ийым илен.
9 Еносын индешле [190] ийым илымекше, туддеч Каинан шочын.10 Каинанын шочмыж деч вара Енос кандашшӱдӧ латвич [715] ийым илен, туддеч эрге ден ӱдыр-влак шочыныт.11 Енос чылаже индешшӱдӧ вич ийым илен.
12 Каинанын шымле [170] ийым илымекше, туддеч Малелеил шочын.13 Малелеилын шочмыж деч вара Каинан кандашшӱдӧ нылле [740] ийым илен, туддеч эрге ден ӱдыр-влак шочыныт.14 Каинан чылаже индешшӱдӧ лу ийым илен.
15 Малелеилын кудло вич [165] ийым илымекше, туддеч Иаред шочын.16 Иаредын шочмыж деч вара Малелеил кандашшӱдӧ кумло [730] ийым илен, туддеч эрге ден ӱдыр-влак шочыныт.17 Малелеил чылаже кандашшӱдӧ индешле вич ийым илен.
18 Иаредын шӱдӧ кудло кок ийым илымекше, туддеч Енох шочын.19 Енохын шочмыж деч вара Иаред кандашшӱдӧ ийым илен, туддеч эрге ден ӱдыр-влак шочыныт.20 Иаред чылаже индешшӱдӧ кудло кок ийым илен.
21 Енохын кудло вич [165] ийым илымекше, туддеч Мафусал шочын.22 Мафусалын шочмыж деч вара Енох кумшӱдӧ [200] ийым илен. Тудо Юмылан пеш чот ӱшаныше лийын, туддеч эрге ден ӱдыр-влак шочыныт.23 Енох чылаже кумшӱдӧ кудло вич ийым илен.24 Енох Юмылан пеш чот ӱшаныше лийын, вараже тудо уке лийын: тудым Юмо Шкеж деке налын.*а
25 Мафусалын шӱдӧ кандашле шым ийым илымекше, туддеч Ламех шочын.26 Ламехын шочмыж деч вара Мафусал шымшӱдӧ кандашле кок ийым илен, туддеч эрге ден ӱдыр-влак шочыныт.27 Мафусал чылаже индешшӱдӧ кудло индеш ийым илен, вара колен.
28 Ламехын шӱдӧ кандашле кок [188] ийым илымекше, туддеч эрге шочын.29 Ламех тудлан Ной лӱмым пуэн. Тудо каласен: «Господь [Юмын] каргыме мландыште пасу пашам ыштымына годым эргына мыланна лыпланымашым пуа да пашанам куштылемда».*б30 Нойын шочмыж деч вара Ламех вичшӱдӧ индешле вич [565] ийым илен, туддеч эрге ден ӱдыр-влак шочыныт.31 Ламех чылаже шымшӱдӧ шымле шым [753] ийым илен.
32 Нойын вичшӱдӧ ийым илымекше, туддеч [кум эрге:] Сим, Хам да Иафет шочыныт.
*а 5:24 Юмо Енохым кавашке илышымак налын. Ончо: Евр 11:5.
*б 5:29 «Ной» лӱм еврей йылмысе ’лыпланымаш, куштылеммаш’ манмым ончыктышо мут дене ик семынрак йоҥга.
Глава 5