1Pajojoukon ohjuajale. Davidan psalmu. 2 Ižändy, Sinun vägi tuou iluo suarile. Häi kirguu hyväs mieles, gu Sinä piästit händy. 3 Sinä annoit hänele, midä toivoi hänen syväin, et hyllännyh hänen pakičendoi. 4 Sinä hyvitit händy sanal, annoit ozan, panit hänen piäh venčan puhtahas kullas. 5 Häi pakičči Sinul elaigua. Sinä annoit sen hänele: pitkän ijän, ilmanigäzen elaijan. 6 Suuri on hänen kunnivo, gu Sinä avvutat händy. Sinä annoit hänele kunnivon da suuruon. 7 Sinä hyvität händy nygöi dai ainos, Sinun rinnal olendu tuou hänele iluo da hyviä mieldy. 8 Suari luottau Ižändäh, Ylimäzen hyvys ei anna hänele häilyö. 9 Sinun käzi, Ižändy, löydäy kai Sinun vihaniekat, Sinun oigei käzi kai Sinun vastustajat. 10 Tavas Sinä panet heidy kui tulizeh päččih, Omas vihas hävität heidy, Ižändy, i tuli syöy heidy. 11 Sinä hävität heijän lapset muan piäl, hävität heijän jälgeläzet rahvahien joukos. 12 Hos hyö tahtottih pahua Sinule, piettih mieles pahua ruaduo Sinuu vastah, no nimidä ei voidu luadie. 13 Sinä viet jouhen heih päi, työnnät piilit heih. 14 Nouze, Ižändy! Ozuta Oma vägi! Myö rubiemmo pajol da soitol ylendämäh Sinun suurii ruadoloi.
с русским текстом