1Davidan psalmu. Ižändy on Suari! Vabiskua kai muailman rahvahat! Hänen valduistuindu kannatetah Heruvimat. Särize mua! 2 Ižändy on suuri Sionas, Häi on ylimäine kaikkien muailman rahvahien piäl. 3 Kiittäkkiä Hänen suurdu da varattavua nimie! Se on pyhä. 4 Suarin vägi on sit, ku häi suvaiččou oigiedu suuduo. Sinä toit oigevuon, Sinä annoit Izrail՚ale oigien suvvon da toven. 5 Ylendäkkiä Ižändiä, meijän Jumalua, kumardakkuattokseh Hänen jalgoin alustan ies! Se on pyhä. 6 Moisei da Aaron oldih Hänen pappiloin joukos, Samuil oli niilöin joukos, kudamat kučuttih abuh Hänen nimie. Hyö kirruttih Ižändiä, i Häi vastai heile. 7 Pilvipaččahaspäi Häi pagizi heile, hyö novvettih Hänen sanoi da käskylöi, kuduat Häi andoi heile. 8 Ižändy, meijän Jumal! Sinä vastait heile, Sinä prostiit heidy, hos tazaitgi heile heijän pahois ruadolois. 9 Ylendäkkiä Ižändiä, meijän Jumalua, kumardakkuattokseh Hänen pyhäh mägeh päi! Ižändy, meijän Jumal, on pyhä.
с русским текстом