1Pajo. Korahilazien psalmu. 2 Suuri on Ižändy, ylendäkkiä Händy! Häi on Omas linnas, Omal pyhäl mäil. 3 Korgei da čoma, kaiken muailman ilo, on Sionan mägi pohjazel puolel, suuren Suarin linnu. 4 Jumalua tietäh puolistajannu sen linnan dvorčois. 5 Suarit kerävyttih yhteh da nostih Sionua vastah. 6 No hyö hämmästyttih sen nähtyy, pöllästyttih da kiännyttih pagoh. 7 Varavo valdai heidy kui suandutuskat lapsensuajan, 8 kui päivännouzutuuli, kudual Sinä murendelit Farsisan laivat. 9 Min kuulimmo enne, sen nygöi näimmö omil silmil Vägilöin Ižändän, meijän Jumalan, linnas. Jumal pidäy sidä linnua lujannu ainos da ilmazenijän. 10 Jumal, myö sanelemmo Sinun pyhäkois, mittuine hyvä Sinä olet. 11 Jumal, muan agjoih suate kuulukkah Sinun nimi da ylendyspajot Sinule! Sinun oigei käzi on täyzi hyvytty. 12 Pidäkkäh iluo Sionan mägi, nostettahes iloiäni Juudan linnat, gu Sinun suudo on oigei, Ižändy. 13 Mengiä, astukkua Sionas ymbäri, lugekkua sen bašn՚at. 14 Ottakkua mustoh linnanseinät, kačelkua sen dvorčat, ku sanella tulijile polvile: 15 Suuri on Jumal! Häi on meijän Jumal ainos da ilmazenijän, Häi roihes meijän johtajannu kuolendah suate.
с русским текстом