Библия
Выбрать язык
Книги Ветхого Завета
Книги Нового Завета
с русским текстом
PSALTIRI
5 Psalmu
1 Pajojoukon ohjuajale. Puhaldimien soitol.
Davidan psalmu.2 Ižändy, kuule minun sanat,
ellendä minun mielet!
3 Kuule minun kirrundu, minun Suari dai Jumal,
Sinule minä molimmos.
4 Ižändy, aijoi huondeksel kuule minun iäni,
aijoi tulen Sinun edeh, rubien vuottamah.
5 Jumal, Sinähäi et tirpa zakonoi vastah menendiä,
Sinun luo ei elä paha.
6 Havizijat ei voija tulla Sinun silmien edeh.
Sinä vihuat kaikkii zakonanrikkojii,
7 kielastelijat Sinä hävität,
tappajii da muanittelijoi et laske lähäle.
8 No minä Sinun suuren hyvyön täh
voin tulla Sinun kodih,
kumardammos Sinun pyhäkodih päi Sinuu kunnivoijen.
9 Ižändy, vietä minuu
Sinun toven dorogua myö,
luaji minun dorogu tazazekse vihaniekkoin täh.
10 Heijän suus ei lähte uskottavu sana,
heijän syväimes on hävitys.
Heijän keroi on kui avattu ruuhi,
heijän kieli on libei da kielastelii.
11 Suudi heidy, Jumal,
langettahes omien pahoin tahtoloin periä.
Heijän äijis pahois ruadolois aja heidy iäres,
gu hyö nostih Sinuu vastah.
12 Anna ihastutah kai, ket hengästellähes Sinuh,
ilmanigäine rodikkah heijän iloiäni!
Sinä avvutat niidy, ket suvaijah Sinuu,
Sinus on heijän ilo.
13 Sinä, Ižändy, hyvität oigeimielisty,
Sinun hyvys vardoiččou händy kui suojusraudu.
Глава 5
