Библия
Выбрать язык
Книги Ветхого Завета
Книги Нового Завета
с русским текстом
PSALTIRI
3 Psalmu
1 Davidan psalmu, konzu häi pagei omas poijas Avessalomas.2 Ižändy, kui liženi minul vihaniekkua!
Äijät nostah minuu vastah,
3 äijät sanotah minus: «Jumal ei avvuta händy».
4 No Sinä, Ižändy, olet minun suojusraudu dai kunnivo,
Sinä nostat minun piän pystyh.
5 Minä kirrun Ižändiä abuh,
i Häi vastuau minule Omal pyhäl mäilpäi.
6 Minä vieren muate, maguan dai nouzen,
Ižändyhäi vardoiččou minuu.
7 En varua, hos pimei pilvi rahvastu
kaikkielpäi nossou minuu vastah.
8 Ižändy, nouze! Jumalazeni, piästä minuu!
Sinä lyöt kaikkii minun vihaniekkoi huulii vaste,
katkuat jumalattomien hambahat.
9 Vai Ižändäs tulou piäzendy.
Sinus tulou hyvitändy Sinun rahvahale.
Глава 3
