Выбрать язык
Книги Ветхого Завета
Книги Нового Завета
без русского текстаENZIMÄINE MOISEIN KIRJU | ПЕРВАЯ КНИГА МОИСЕЕВА. БЫТИЕ |
Lugu 45 | Глава 45 |
| 1 Sit Josif ei voinnuh enämbiä pietelläkseh kaikkien hänen rinnal seizojien ies. Häi kirgai: «Mengiä iäre kaikin!» I ei jiännyh Josifan rinnale nikedä, konzu häi sanoi vellile, ken häi on. | 1Иосиф не мог более удерживаться при всех стоявших около него и закричал: удалите от меня всех. И не оставалось при Иосифе никого, когда он открылся братьям своим. |
| 2 Häi rubei äijäl itkemäh, sen kuultih kai jegiptalazet, kuului faraonan kodissah. | 2И громко зарыдал он, и услышали Египтяне, и услышал дом фараонов. |
| 3 Josif sanoi vellile: «Minä olen Josif. Ongo hengis tuatto?» No vellet ni vastata ei voidu, muga hämmästyttih. | 3И сказал Иосиф братьям своим: я--Иосиф, жив ли еще отец мой? Но братья его не могли отвечать ему, потому что они смутились пред ним. |
| 4 Josif sanoi vellile: «Tulgua lähembi!» Hyö tuldih. Häi sanoi: «Minä olen Josif, teijän velli, kuduan työ möittö Jegiptah. | 4И сказал Иосиф братьям своим: подойдите ко мне. Они подошли. Он сказал: я--Иосиф, брат ваш, которого вы продали в Египет; |
| 5 No nygöi älgiä pidäkkiä pahua mieldy, älgiägo žiälöikkiä, gu möittö minuu tänne, sikse gu Jumal työndi minuu tänne enne teidy, teijän hengih piäzendäkse. | 5но теперь не печальтесь и не жалейте о том, что вы продали меня сюда, потому что Бог послал меня перед вами для сохранения вашей жизни; |
| 6 Kačo gu mual oli jo kaksi nälgyvuottu, a jäi vie viizi vuottu, konzu ei kynnetä eigo kylvetä. | 6ибо теперь два года голода на земле: еще пять лет, в которые ни орать, ни жать не будут; |
| 7 Jumal työndi minuu tänne teijän iel, gu jättiä teidy muale da gu jatkus teijän elaigu suurekse piäzendäkse. | 7Бог послал меня перед вами, чтобы оставить вас на земле и сохранить вашу жизнь великим избавлением. |
| 8 Ga sit ettohäi työ työndänyh minuu tänne, työndi Jumal, kudai pani minuu tuatakse faraonale da ižändäkse kaikes hänen kois da kaiken Jegiptan muan valdumiehekse. | 8Итак не вы послали меня сюда, но Бог, Который и поставил меня отцом фараону и господином во всем доме его и владыкою во всей земле Египетской. |
| 9 Mengiä huolittuat minun tuatan luo da sanokkua hänele: ‘Nenga sanou sinun poigu Josif: Jumal pani minuu kaiken Jegiptan ižändäkse. Tule huolita minun luo. | 9Идите скорее к отцу моему и скажите ему: так говорит сын твой Иосиф: Бог поставил меня господином над всем Египтом; приди ко мне, не медли; |
| 10 Sinä rubiet elämäh minun rinnal Geseman muas, sinä dai sinun poijat dai sinun poigien poijat, sinun lambahat, kozat dai lehmät, kai midä sinul on. | 10ты будешь жить в земле Гесем; и будешь близ меня, ты, и сыны твои, и сыны сынов твоих, и мелкий и крупный скот твой, и все твое; |
| 11 Minä syötän sinuu sie, gu et köyhtys sinä, sinun taloi dai kaikin, ket ollah sinunke, sikse gu ies on vie viizi nälgyvuottu.’ | 11и прокормлю тебя там, ибо голод будет еще пять лет, чтобы не обнищал ты и дом твой и все твое. |
| 12 Työ omil silmil näittö dai minun vellen Veniaminan silmät nähtäh se, gu teijänke pagizen minä. | 12И вот, очи ваши и очи брата моего Вениамина видят, что это мои уста говорят с вами; |
| 13 Ga sanelkua minun tuatale kaikes minun kunnivos Jegiptas i kaikes sit, midä työ näittö, i tuogua tänne teriämbi minun tuattua.» | 13скажите же отцу моему о всей славе моей в Египте и о всем, что вы видели, и приведите скорее отца моего сюда. |
| 14 Josif tartui kaglah omale vellele Veniaminale da itki. Dai Veniamin itki hänel kaglas. | 14И пал он на шею Вениамину, брату своему, и плакал; и Вениамин плакал на шее его. |
| 15 Sit Josif andoi suudu kaikile omile vellile, itki da sebäi heidy. Sit hänen vellet paistih hänenke. | 15И целовал всех братьев своих и плакал, обнимая их. Потом говорили с ним братья его. |
| 16 Viesti Josifan vellien tulendas tuli faraonangi dvorčah, se oli faraonale da hänen lähimäzile hyvä mieli. | 16Дошел в дом фараона слух, что пришли братья Иосифа; и приятно было фараону и рабам его. |
| 17 I faraon sanoi Josifale: «Sano sinun vellile: Luadikkua nenga, pangua oslile selgäh vil՚l՚ua da mengiä Hanaanan muah. | 17И сказал фараон Иосифу: скажи братьям твоим: вот что сделайте: навьючьте скот ваш, и ступайте в землю Ханаанскую; |
| 18 Ottakkua teijän tuattua, teijän perehet da tulgua minun luo. Minä annan teile parahan [kohtan] Jegiptan muas, i työ suatto syömizen muan kyllyös. | 18и возьмите отца вашего и семейства ваши и придите ко мне; я дам вам лучшее в земле Египетской, и вы будете есть тук земли. |
| 19 Sinule käsken sanuo vellile: Luadikkua nenga: ottakkua Jegiptan muas suuret kärit teijän lapsih da teijän akkoih niškoi i tuogua teijän tuattua i tulgua järilleh. | 19Тебе же повелеваю сказать им: сделайте сие: возьмите себе из земли Египетской колесниц для детей ваших и для жен ваших, и привезите отца вашего и придите; |
| 20 Älgiä žiälöikkiä teijän lomuloi, sikse gu parastu, midä on Jegiptan muas, annan teile.» | 20и не жалейте вещей ваших, ибо лучшее из всей земли Египетской дам вам. |
| 21 Mugai luajittih Izrail՚an poijat, i Josif andoi heile suuret kärit faraonan käskys da andoi evästy matkah. | 21Так и сделали сыны Израилевы. И дал им Иосиф колесницы по приказанию фараона, и дал им путевой запас, |
| 22 Häi andoi heile kaikile uvvet pyhäsovat, a Veniaminale häi andoi kolmesadua hobjud՚engua da viizi uuttu sobavustu. | 22каждому из них он дал перемену одежд, а Вениамину дал триста сребренников и пять перемен одежд; |
| 23 Vie häi työndi omale tuatale kymmene oslua, kudamil selläs oli kaikkie parastu, midä oli Jegiptas, da kymmene emäoslua, kudamil selläs oli vil՚l՚ua, leibiä da muudu syömisty omale tuatale evähikse matkah. | 23также и отцу своему послал десять ослов, навьюченных лучшими произведениями Египетскими, и десять ослиц, навьюченных зерном, хлебом и припасами отцу своему на путь. |
| 24 Sit häi työndi omii vellii matkah da hyö lähtiettih. Häi sanoi heile: «Älgiä riijelkiä matkas.» | 24И отпустил братьев своих, и они пошли. И сказал им: не ссорьтесь на дороге. |
| 25 Josifan vellet lähtiettih Jegiptas da tuldih Hanaanan muah Juakoi-tuatan luo. | 25И пошли они из Египта, и пришли в землю Ханаанскую к Иакову, отцу своему, |
| 26 Hyö tuodih hänele viesti da sanottih: «Josif, [sinun poigu,] on hengis. Häi on kogo Jegiptan muan valdumies!» Tuatan syväin jäi vilukse, häi ei uskonuh heile. | 26и известили его, сказав: Иосиф жив, и теперь владычествует над всею землею Египетскою. Но сердце его смутилось, ибо он не верил им. |
| 27 No poijat saneltih hänele kai Josifan sanat, häi omil silmil nägi net suuret kärit, kuduat Josif työndi hänele gu tuvva händy Jegiptah, sit elavui Juakoin, heijän tuatan, hengi. | 27Когда же они пересказали ему все слова Иосифа, которые он говорил им, и когда увидел колесницы, которые прислал Иосиф, чтобы везти его, тогда ожил дух Иакова, отца их, |
| 28 Izrail՚ sanoi: «Täs minule on kylläl! Vie hengis on minun poigu Josif! Minä lähten da näin händy, kuni en kuolluh.» | 28и сказал Израиль: довольно, еще жив сын мой Иосиф; пойду и увижу его, пока не умру. |
Глава 45