Выбрать язык
Книги Ветхого Завета
Книги Нового Завета
словарьАарон – Мöисейлöн вокыс, Левий чужанкотырысь. Сiйö вöлi Израиль войтырлöн медводдза вежа кесъялысь.
Ай – праотец Израиль войтырлöн медся тöдчана айяс – Öвраам, Исаак да Яков. Библияын Енмыс висьталö Ас йывсьыс, мый Сiйö – ”Öвраамлöн Ен, Исааклöн Ен да Яковлöн Ен” (Исх. 3:6).
Аллилуйя – кывйыс пырöма еврей кывйысь, сылöн вежöртасыс ”ошкöй Господьöс”.
Аминь – кывйыс артмöма амэн еврей кывйысь, сылöн вежöртасыс ”збыль, сідзи, дзик сідзи”.
Аморей – тайö войтырлöн ним, овлöмаöсь Ханаан муын сiйö кадас, кор Израиль войтыр овмöдчис сэтчö.
Аркирей – юдейяслöн вежа кесъялысьяс вылын юралысь. Сöмын сійö öтчыдысь вонас вермис пырны крамын Вежасьыс-вежаинö. Аркирейöн вермис лоны кувтöдзыс.
Арфа – уна струнаа ворсантор, сiйöс сувтöдлiсны джоджö.
Венямин – Яков айлöн медiчöт пиыс. Яковсянь лои Израильлöн дас кык чужанкотырыс (видзöд ”Яков”).
Вись – жертва. Важ Йитöд кадö юдейяс тшöкыда вайлiсны вись крам йöрын сулалысь висьпуктанiнö. Висьсö вайлiсны Енлы козин пыдди, татшöм ногöн нимöдiсны Енмöс. Вись вайöм бöрын Енмыс прöститлiс найöс. Вись вайöмыс йитiс став Израиль войтырсö Енкöд. Вись пыдди Енлы вайлiсны ыжöс, öшпиöс да лэбачöс, тшöтш нянь, пызь, чöскыд дука вый да вина. Псаломъясын гижöма татшöм висьяс йылысь: сотан вись (всесожжение), юан вись (возлияние), мыж вöсна вись (жертва за грех), аттьöалана вись (жертва хвалы), казьтылан вись (приношение воспоминания) да рытъя вайöм вись (жертва вечерняя).
Войтыръяс, мувывса войтыръяс, мукöд войтыръяс – Псалтырын тадзи нимтöма став мукöд войтырсö Израиль войтыр кындзи. Тайö войтыръясыс эз эскыны Израильлöн Енлы, эз кывзысьны Енлысь.
Галаад – керöсвыв му, Йöрдан юсянь асыввылын, Генесарет ты дорын.
Давид – Израиль войтырлöн медся нималана öксы. Сійö чужлöма Виплием карын, веськöдлöма Израиль муын Исус Кристос чужтöдз дасöд нэмын. Гижлöма уна псалом.
Дзирдлун – блеск, сияние, слава; еврей кывйын кавод кутö куим вежöртас: ”дзирдлун”, ”нималöм” да ”ошкöм”.
Едом – Исавсянь чужысь войтыр, овлöмаöсь Сола саридзсянь лунвылын. Исав вöлi Яков айлöн вокыс.
Ефрем – Öсиплöн ичöтджык пиыс да сысянь чужысьяс. Öсип вöлi Яков айлöн пи.
Израиль – тайö кывлöн кык вежöртас:
1) Яков айлöн мöд нимыс.
2) Яковсянь чужысь войтыр.
Индöд – Божий закон; Мöисей пыр Енмыс сетiс Израиль войтырлы тшöктöмъяс.
Иуда – тайö кывлöн кык вежöртас:
1) Яков айлöн пиянысь öтиыс.
2) Израильса чужанкотыр. Найö олiсны Иуда керöсъясын Ерусалимсянь лунвылын.
Йитöд, (Важ Йитöд) – Завет, (Ветхий Завет); Ен да Израиль войтыр костын кöрталöм йитöд. Сійöс вöлі кöрталöма Синай керöсын, кöні Енмыс сетіс Израиль войтырлы дас тшöктöм. Тайö йитöднас Ен петкöдліс Израиль войтырлы Ассьыс буралöмсö да муслунсö.
Йитöд Куд – Ковчег Завета; Важ Йитöд дырйи тайö кудъяс видзисны изпöвъяс, кытчö вöлі гижöма Енлысь дас тшöктöмсö. Нöшта сэні видзисны Ааронлысь дзоридзалысь бедь да манна тыра зарни доз.
Йöрдан – Палестина муын медыджыд ю, визувтö Ермон керöссянь Генесарет тыö, сэсянь петö Сола саридзö.
Кесйöг – слуга, раб; морт, коді кесъялö аслас ыджыдыслы да олö сылöн кипод улын.
Корей пиян – Левий чужанкотырысь йöз, кодъяс кесъялiсны крамын, веськöдлiсны сэнi ошкöм-сьылöмöн.
Крам – му вылын Енлöн оланін, юдейяслöн вежа керка да кевмысянін. Сэні вайлісны Енлы висьяс. Крамыс вöлі сöмын Ерусалимын.
Левий – Яков айлöн пиыс. Кор Ханаан мусö юклiсны Яковсянь чужысьяслы, Левий чужанкотырыслы мусö эз сетны, öд найöс вöлi пуктöма кесъявны крамын. Найö пöткöдчисны крамö вайöмторъясöн.
Ливан – войвывса Палестинаын Шöр саридздорса керöсъяс.
Мавтыштöм – торъя морт вылö кисьтлiсны чöскыд дука вый. Мавтлісны Израиль войтырлы öксыясöс, вежа кесъялысьясöс да пророкъясöс пуктігöн, кулöм мортöс дзебигöн да висьысьлöн бурдöм вöсна кевмысигöн.
Мадиамсаяс – Öвраамсянь чужысь войтыр. Египетысь пышйöм бöрын Мöисей олiс на дорын. Мадиам му вöлi Аравияын Акаба куръясянь асыввылын.
Манассей – Öсиплöн медводдза пиыс да сысянь чужысьяс. Öсип вöлi Яков айлöн пи.
Манна – енэжысь усьöм еджыд сёян, сійö вöлі гырысь кöйдыс кодь да ма кодь юмов. Тайöн Енмыс пöткöдліс Израиль войтырöс овтöминті 40 во чöж ветлöдлігöн.
Мелкиседек – салимса ыджыд öксы да аркирей. Библия туялысьяс чайтöны, мый Салим кар вöлi сэнi жö, кöнi öнi Ерусалим.
Моав – Сола саридзcянь асыввылын му.
Мöисей – ыджыд пророк, Египет муысь петкöдiс Израиль войтырöс. Сы пыр Енмыс сетіс Израиль войтырлы дас тшöктöм.
Öвраам – юдей войтырлöн ай. Енмыс кöсйысис сылы, мый сысянь чужас ыджыд да вына войтыр, и тайö войтырыс пыр вуджас бурсиöмыс став йöзыслы.
Öсип – Яков айлöн пи. Сылöн вокъясыс мустöмтiсны сiйöс да вузалiсны сiйöс кесйöг пыдди Египет муö. Öсип эз вöв мыжа, но сiйöс йöршытiсны дзескыдiнö. Бöрынджык египетса öксы тшöктiс мездыны сiйöс, сэсся пуктiс сiйöс став аслас войтыр вылын юрнуöдысьöн. Öсиплöн вöлi кык пи – Ефрем да Манассей.
Салим – Ерусалимлöн мöд нимыс.
Синай – тайö керöс, кодi сулалö Синай кöджын сылöн лунвывладорын. Тайö керöс вылас Господь сетiс Мöисейлы дас тшöктöм.
Сион – евуссаяслöн изкар, Давид öксы босьтiс сiйöс тышын. Бöрынджык Псалтыр небöгын ”Сион” нимнас нимтiсны керöс, кöнi сулалiс ерусалимса крам.
Сирион – Ермон керöслöн ханаанса ним.
Скиния – Израиль войтырлöн вежаин, тайö вöлі дöрачом. Израиль войтыр новлöдліс сійöс аскöдыс 40 во чöж овтöминті ветлöдлігöн (Евр. 9:2-6).
Соломон – Давид öксылöн пиыс. Юралiс Израиль да Иуда муясын 961-922 воясö миян эраöдз.
Тимпан – барабан кодь ичöт ворсантор.
Филистим – Палестинаын Шöр саридздорса му. Сэнi олiсны Критысь локтöм йöз, сiдз шусяна ”филистимсаяс”.
Херувим – ”Ен дзирдлуна андел” (Евр. 9:5), Енлöн матiлунас енэжын олысь андел. Тайö анделъясыс новлöдлöны Енлысь юралан пуклöссö (Пс. 79:2).
Чомъяс вöчан лунъяс – юдейяслöн зэв ыджыд гажöдчан кад. Гажöдчылісны вежон чöж, аттьöалісны Енсö выль нянь воöмысь да овтöминті ветлöдлігöн налы отсалöмысь.
Шойччан лун – юдейяслöн шойччан лунлы миян ног лöсялö пекнича рытсянь субöта рытöдз кадколаст. Юдейяслы эз позь уджавны тайö лунас. Сэки найö шойччисны да кевмысисны Енлы. Индöдö велöдысьяс зэв чорыда тшöктісны кутчысьны шойччан лун йылысь лöсьöдöмъясö.
Шомтöм нянь сёян лунъяс – Ыджыд лун дырйи да сы бöрти вежон чöж на юдейяс сёйöны шомтöм нянь.
Яков – Исаклöн пи. Исак вöлi Öвраам айлöн пи. Псалтырын Яков нимлöн вежöртасыс – Израиль войтыр. Яковлöн вöлi дас кык пи, на серти нимтылiсны Израиль войтырлысь дас кык чужанкотырöс. Псалтырын гижöма Левий, Иуда, Завулон, Неффалим, Öсип да Венямин чужанкотыръяс йылысь.
словарь