Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
66 Псалом
1 Сьыліссезӧн веськӧтлісьлӧ. Орсӧны сиа орса́ннэз*авылын. Сьыла́н псалом.2 Енӧ, ло миян дынӧ небыт сьӧлӧма,
бласлӧви́т миянӧс.
Аслат чужӧ́мӧн югдӧт миянӧс.
3 Сэк му вылын оліссез пондасӧ тӧдны Тэнчит туйтӧ,
отиррез пондасӧ тӧдны Тэнчит мездӧтӧ́мтӧ.
4 Енӧ, отиррез Тэнӧ ась ошкӧны!
Быд кыв вылын баитіссез Тэнӧ ась сьылӧтӧны!
5 Отиррез ась гажӧтчӧны,
гажӧн сьылӧны.
Тэ эд отирресӧ веськыта судитан,
му вылісь йӧзӧн веськӧтлан.
6 Енӧ, отиррез Тэнӧ ась ошкӧны!
Быд кыв вылын баитіссез Тэнӧ ась сьылӧтӧны!
7 Муыс сетіс ассис быдтӧм воӧ́мсӧ
*б.
Енным, миян Енным,
бласлӧви́т миянӧс!
8 Енным, бласлӧви́т миянӧс!
Тэись ась полӧны му пасьта оліссез быдӧнныс.
Ошкӧ́м.
*а 66:1 сиа орса́н ─ струнный инструмент
*б 66:7 воӧ́м ─ плод
Глава 66
