Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
53 Псалом
1 Сьыліссезӧн веськӧтлісьлӧ. Орсӧны сиа орса́ннэз*а вылын. Давидлӧн велӧтӧ́м.2 Гижӧм Зиф карись йӧзлӧн Саул дынӧ локтӧ́м йылісь. Нія висьталісӧ Сауллӧ Давидлісь ны дынын сайласьӧ́мсӧ.3 Енӧ, Аслат ним понда мезды менӧ,
Аслат вынӧн дорйы менӧ!
4 Енӧ, кыв менчим кеймӧ́мӧс,
кывзы менчим висьталӧ́мӧс.
5 Йӧз отир ме вылӧ лэбтісьӧны,
вынаэз менчим лолӧс босьтны кошшӧны,
нія Енсӧ абутӧм туйӧ пуктӧны.
6 Ме тӧда: меным отсӧтсӧ Сетісьыс ─ Ен.
Дӧсвидзисьыс вынсьӧтӧ менчим лолӧс.
7 Ме вылӧ лэбтісьӧммезлӧ
лёк керӧ́мныс понда Сія вештісяс.
Аслас быльӧн нійӧ вияс.
8 Ме сьӧлӧмсянь вая Тэныт езъяла́н козин.
Дӧсвидзисьӧ, ме сьылӧта Тэнчит нимтӧ,
сія эд медбур.
9 Тэ эд менӧ быд тӧждісьӧ́мись мездін,
и ме адззылі,
кыдз Тэ ме вылӧ лэбтісьӧммесӧ вермин.
*а 53:1 сиа орса́н ─ струнный инструмент
Глава 53
