Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
140 Псалом
Давидлӧн псалом.1 Дӧсвидзисьӧ, Тэныт горӧн кеймися:
тэрмась меным отсавны!
Кыв менчим кеймӧ́мӧс,
кӧр ме Тэныт горӧн кеймися!
2 Менам кеймӧ́мӧ ась кайӧ Тэ одзӧ ладан тшын моз.
Менам лэбтӧм киэзӧ ась лоӧны рытся езъяла́н кодьӧсь.
3 Дӧсвидзисьӧ, видз менчим кылӧс ковтӧм баитӧ́мись,
видзӧт менам ӧм сьӧрын.
4 Менӧ эн лэдз ылавны умӧляс,
медбы ӧтлаын лёк кериссезкӧт ме эг кер умӧльсӧ.
Эн лэдз менӧ пешлыны нылісь чӧсмася́н сёя́нсӧ.
5 Менӧ ась вачкӧ веськыта олісь,
сія меным бур вылӧ.
Ась веськыта висьталӧ умӧль керӧ́мӧ йылісь,
сія медбур ви.
Сысянь оз ло умӧльыс менам юрлӧ.
Лёк отирлӧн умӧль керӧ́ммезлӧ
ме паныт муна аслам кеймӧ́мӧн.
6 Кӧр нылісь юраліссесӧ керӧссэз вывсянь шентасӧ,
сэк отирыс вежӧртасӧ:
ме веськыта висьтавлі.
7 Гӧрӧм да пазӧтӧм му моз
нылӧн киссьӧм лыэс пондасӧ куйлыны
кулӧммезлӧн оланiн дынын.
8 Дӧсвидзисьӧ, Дӧсвидзисьӧ,
синнэзӧс Тэланьӧ лэбта,
ме Тэ вылӧ надейтча.
Эн сет орӧтны менчим ола́нӧс!
9 Видз менӧ лӧчӧ сюрӧ́мись
да кыйся́нӧ шедӧ́мись.
Лёк кериссес нійӧ сувтӧтісӧ,
медбы менӧ кутны.
10 Ентӧг оліссес асьныс
ась шедӧны асланыс кыйся́ннэзӧ,
а ме нiйӧ орддя.
Глава 140
