Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
137 Псалом
Давидлӧн псалом.1 Дӧсвидзисьӧ, Тэнӧ сьӧлӧмсянь ошка,
енӧжын оліссез одзын Тэнӧ сьылӧта.
[Тэ эд менчим висьталӧ́мӧс быдӧс кылін.]
2 Ме Тэнат Вежа Керку одзын копыртча,
небыт сьӧлӧмыт да быльыт понда Тэнчит нимтӧ ошка.
Тэ Ассит кывтӧ да нимтӧ быдӧсся вылынжыка лэбтін.
3 Кӧр ме Тэнӧ кори,
сэк Тэ менӧ кылін,
менчим лолӧс лэбтін, вынсьӧтін.
4 Дӧсвидзисьӧ,
Тэнӧ му вылісь ӧксуэз быдӧнныс ошкасӧ,
кӧр Тэнат ӧмись петӧм кыввесӧ кыласӧ.
5 Нiя пондасӧ сьылӧтны Тэнчит туйетӧ.
Тэнат вына югьялӧ́мыс эд гӧгӧр паськалӧ!
6 Дӧсвидзисьыс вылынінын олӧ,
но рам да кывзiсь сьӧлӧмаэсӧ Сія адззӧ,
асьнысӧ вылына лэбтіссесӧ ылісянь казялӧ.
7 Кӧр умӧль лоӧ́мыс менӧ ӧтмӧдӧрсянь личкӧ,
сэк Тэ менӧ вынсьӧтан-ловзьӧтан.
Mе вылӧ лэбтісьӧммезлӧн лёксялӧ́мись
менӧ дорйыны китӧ нюжӧтан,
веськыт кинат менӧ мездан.
8 Дӧсвидзисьыс меным мый лӧсьӧтіс,
сійӧ быдӧс керас.
Дӧсвидзисьӧ, Тэ пыр небыт сьӧлӧма:
Аслат киӧн аркмӧ́тӧмтӧ эн коль!
Глава 137
