Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
134 Псалом
1 Аллилуйя!
Ошкӧ Дӧсвидзисьлісь нимсӧ!
Ошкӧ Сійӧ, Дӧсвидзисьлӧн раббез!
2 Дӧсвидзисьлӧн Вежа Керкуын сулаліссез,
миян Енлӧн йӧррезын уджаліссез,
ошкӧ Сійӧ, быдӧнныт!
3 Ошкӧ Дӧсвидзисьсӧ, Сія эд бур!
Сылісь нимсӧ сьылӧтӧ,
сысянь эд сьӧлӧмлӧ ӧддьӧн долыт.
4 Дӧсвидзисьыс Яковлісь увтырсӧ Аслыс бӧрйис,
Израильсӧ Аслас отирӧн босьтіс.
5 Ме тӧда, Дӧсвидзисьыс медвына,
миян Дӧсвидзисьыс быдӧс еннэзся вылынжык.
6 Дӧсвидзись керӧ, мый Сылӧ колӧ
енӧжжезын, му вылын, саридззезын
и быд пыдӧстӧминын.
7 Сія му доррезсянь кымӧррез лэбтӧ,
зэрикӧ чарньӧ́лӧн чаркнитӧ,
Аслас видзанiннэзiсь тӧввез лэдзӧ.
8 Египетас отирлӧн да подалӧн медодзза чу́жӧммезлісь
Сія ола́ннысӧ орӧтіс.
9 Египетісь отирлӧ,
фараонлӧ да сылӧн раббезлӧ
пассэз да адззывлытӧм керӧ́ммез мыччаліс.
10 Сія отирресӧ пӧрӧтіс.
Вына ӧксуэсӧ вийис:
11 Сигонӧс, аморрейезлісь ӧксуӧс,
Огӧс, Васанісь ӧксуӧс,
Ханаан муись ӧксуэсӧ быдӧннысӧ.
12 Нылісь мусӧ Аслас Израиль отирлӧ
пыр кежӧ сетіс.
13 Дӧсвидзисьӧ, Тэнат нимыт пыр пондас овны.
Дӧсвидзисьӧ, отирыс айезсянь челядьӧдз
Тэнӧ тӧдвылын пондасӧ видзны.
14 Дӧсвидзись Ассис отирсӧ пондас веськыта судитны.
Аслас раббез дынӧ Сія лоас небыт сьӧлӧма.
15 Ентӧдтӧммезлӧн еннэзныс ас керӧмӧсь,
нiя эзы́сись да зарниись.
16 Нылӧн эмӧсь ӧммез, но нiя озӧ баитӧ.
Нылӧн эмӧсь синнэз, но нiя озӧ адззӧ.
17 Нылӧн эмӧсь пеллез, но нiя озӧ кылӧ,
лолавны озӧ вермӧ.
18 Киннэз нiйӧ керӧны
да ны вылӧ надейтчӧны,
нiя асьныс лоасӧ ны кодьӧсь жӧ.
19 Израиль отир, ошкӧ Дӧсвидзисьсӧ!
Аарон увтыр, ошкӧ Дӧсвидзисьсӧ!
20 Левий увтыр, ошкӧ Дӧсвидзисьсӧ!
Дӧсвидзисись поліссез, ошкӧ Дӧсвидзисьсӧ!
21 Ась горалӧ ошкӧ́мыс Сионісь
Дӧсвидзисьлӧ, Ерусалимын Олісьлӧ!
Аллилуйя!
Глава 134
