Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
128 Псалом
Вежа Керкуӧ кайӧ́м коста сьылӧ́м.1 Израильыс ась висьталӧ:
2 «Менӧ томсянь уна дзескӧтлісӧ,
но менӧ эзӧ вермӧ.
3 Менам мышк
*а вылын гӧриссез гӧрлісӧ,
кузь бороздаэз керлісӧ».
4 Дӧсвидзисьыс веськыта керӧ:
Ентӧг оліссезлӧн цеппезісь Сія миянӧс мездiс.
5 Ась рожа куля́нӧдз усьӧны
да бӧр пышшӧны быдӧнныс,
кӧдна Сион вылӧ синӧн озӧ вермӧ видзӧтны.
6 Нiя ась лоӧны
керку юр вылын быдмӧм турун кодьӧсь,
кӧда леттӧдззас косьмӧ.
7 Вундiсь сійӧн оз тырт шамырсӧ
*б,
кольтаэз домалісь оз пукты сійӧ кольтаӧ.
8 Ны дынӧт мунiссез озӧ висьталӧ:
«Дӧсвидзисьлӧн бласлӧвитӧ́мыс тіян вылын!
Дӧсвидзись нимӧн тіянӧс бласлӧви́там».
Ошкӧ́м.
*а 128:3 мышк ─ спина
*б 128:7 шамыр ─ горсть
Глава 128
