Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
121 Псалом
Вежа Керкуӧ кайӧ́м коста сьылӧ́м. Давидлӧн псалом.1 Ме ӧддьӧн гажми, кӧр меным висьталісӧ:
«Мунам Дӧсвидзисьлӧн керкуӧ».
2 Ерусалим, мийӧ сулалам тэнат ыбӧссэзын.
3 Ерусалим, тэнат керкуэт зэв лэбтӧмӧсь.
Нiя ӧтлаӧ йитӧмӧсь, кыдз ӧтік керку.
4 Этчӧ локтӧ Дӧсвидзисьлӧн отир
быд увтырись, быд чужа́н вужись,
медбы Израильлӧн Туйдӧ́т сьӧрті
Дӧсвидзисьлісь нимсӧ ошкыны.
5 Эстӧн сулалӧны судитіссезлӧн пукӧ́ссэз,
Давид увтырлӧн юрала́н пукӧ́ссэз.
6 Кеймӧ Ерусалимлӧн лӧня олӧ́м понда:
«Тэнӧ радейтіссес ась бура олӧны!
7 Тэнат керкуэзын ась лоас лӧнь ола́н,
тэнат оланiннэзын бур ола́н.»
8 Аслам воннэз понда да матіссез понда
ме шуа: «Лӧнь ола́н тэныт, кар!»
9 Ерусалим,
миян Дӧсвидзись Енлӧн Вежа Керку понда
тэнат ась лоӧ бур ола́н!
Глава 121
