Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
112 Псалом
1 Аллилуйя!
Дӧсвидзисьлӧн раббез,
ошкӧ Дӧсвидзисьлісь нимсӧ, ошкӧ!
2 Дӧсвидзисьлісь нимсӧ колӧ ошкыны
ӧнi и пырся-пыр!
3 Ошкӧ Дӧсвидзисьлісь нимсӧ
шонді петанінсянь сылӧн пуксянiнӧдз!
4 Дӧсвидзисьыс быд отир вылын Юралісь.
Сылӧн югьялӧ́мыс енӧжжезся вылынжык.
5 Кинкӧ адззисяс разь миян Дӧсвидзись Енным кодьыс?
Сія олӧ вылынся-вылын.
6 Сія мышкыртчӧ, медбы адззыны,
мый керсьӧ енӧжас да му вылас.
7 Умӧля олісьсӧ бусiсь лэбтӧ,
корись мортсӧ нятись кыскӧ,
8 медбы пуксьӧтны сійӧ ӧтлаын юраліссезкӧт,
Аслас отирлӧн ӧксуэзкӧт.
9 Челядьтӧм инькалӧ Еныс сетӧ оланін
да керӧ сійӧ шуда
*а мамӧн.
Аллилуйя!
*а 112:9 шуда ─ счастливый
Глава 112
