Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
100 Псалом
Давидлӧн псалом.1 Дӧсвидзисьӧ, ме Тэнӧ понда сьылӧтны.
Тэнат небыт сьӧлӧм йылісь,
Тэнат веськыта судитӧ́м йылісь понда сьывны.
2 Сӧстӧма олӧ́м йылісь понда авйыны,
аслам керкуын сӧстӧм сьӧлӧмӧн понда овны.
Кӧр ни Тэ ме дынӧ локтан?
3 Син одзам умӧльсӧ нем ог пукты.
Лёксӧ керӧмӧн ме киӧс ог лякӧсьт,
умӧль керӧ́мыс меным син вылӧ оз ков.
4 Ылӧтӧ́мсӧ ме сьӧлӧмсим дзимляла,
лёксӧ керны ─ сія и тӧд вылын оз ло.
5 Матісь морт вылӧ гусьӧн вӧвлытӧмсӧ висьтавлісьӧс
ме дынсим вашӧта.
Асьсӧ вылына пуктісьӧс да вышитчисьӧс
дынам ог видз.
6 Ме кошша надейнӧй морттэзӧс,
медбы нія вӧлісӧ мекӧт.
Меным кысъявны пондас сія,
кӧдалӧн ола́ныс сӧстӧм.
7 Гусьӧн умӧльсӧ керись морт
менам керкуын оз понды овны.
Бӧбӧтчись оз ло менам син одзын.
8 Одз асывсянь ме аслам муын пазда
Ентӧг оліссесӧ быдӧннысӧ.
Дӧсвидзисьлӧн карись вашӧта
умӧльсӧ кериссесӧ быдӧннысӧ.
Ошкӧ́м.
Глава 100
