Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
8 Псалом
1 Сьыліссезӧн веськӧтлісьлӧ. Орсӧны Гефись орса́н вылын. Давидлӧн псалом.2 Дӧсвидзисьным, Енным миян!
Быдсӧн муыс пасьта ошкӧны-лэбтӧны
Тэнчит ыджыт вына нимтӧ!
Тэнӧ ошкӧ́мыс енӧжжезся вылынжыка горалӧ!
3 Кагаэз да учӧт челядь Тэнӧ ошкӧны.
Сія ошкӧ́мыс Тэ вылӧ лэбтісьӧм отирсӧ
рожа куля́нӧдз вайӧтӧ,
лӧгалісьлісь да умӧльнас вештісисьлісь
ӧмнысӧ тупкӧ.
И этӧ керин Тэ.
4 Кӧр ме видзӧта енӧжсӧ ─ Тэнат киӧн аркмӧ́тӧмсӧ,
тӧлісьсӧ да кӧдзу́ввесӧ
*а,
кӧднӧ Тэ сэтчин пуктін,
5 сэк ме юрам пырта:
морт ─ кин сія сэтшӧмыс,
Тэ сійӧ тӧдвылат видзан?
Мортлӧн зон ─ кин сія,
Тэ сы сьӧрын видзӧтан?
6 Ангеллэзся лажмытжыка
Тэ сійӧ недыр кежӧ сувтӧтін.
Югьялӧ́мнас да вылына лэбтӧ́мнас
*б Тэ сійӧ юркытша́лін
*в.
7 Аслат киэзӧн быд керӧ́мсӧ
сы кипод увтӧ сетін.
Сы кок увтӧ быдӧс пуктін:
8 баляэсӧ, ӧшкаэсӧ да вӧрпаэсӧ
*г,
9 енӧжись кайесӧ, ваись чериэсӧ
да саридзись
*д быдӧс оліссесӧ.
10 Дӧсвидзисьным, Енным миян!
Быдсӧн му пасьта ошкӧны-лэбтӧны
Тэнчит ыджыт вына нимтӧ!
Ошкӧ́м.
*а 8:4 8:4 кӧдзу́в ─ звезда
*б 8:6 8:6 вылына лэбтӧ́м ─ честь
*в 8:6 8:6 юркытша́вны ─ увенчать
*г 8:8 8:8 вӧрпа ─ зверь
*д 8:9 8:9 саридз ─ море
Глава 8
