Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
6 Псалом
1 Сьыліссезӧн веськӧтлісьлӧ. Орсӧны кыкьямыс сиа орса́н вылын. Давидлӧн псалом.2 Дӧсвидзисьӧ, эн ӧмав менӧ лёксялӧ́м увьят,
эн мыжйы
*а менӧ лӧгувьят.
3 Дӧсвидзисьӧ, ло ме дынӧ небыт сьӧлӧма,
ме эд вынтӧм.
Дӧсвидзисьӧ, веськӧт менӧ,
менӧ лыэзӧдз
*б зэгйӧ.
4 Да и лолӧ менам зэгсьӧ.
Дӧсвидзисьӧ,
мый дырна меным видзчисьны?
5 Дӧсвидзисьӧ, бергӧтчы мелань,
мезды менчим лолӧс!
Аслат небыт сьӧлӧмсянь мезды менӧ!
6 Кулӧм мортыс эд оз видз Тэнӧ тӧдвылас.
Пондас разь Тэнӧ ошкыны шойнаас куйлісь?
7 Аслам ойзӧ́м-горзӧ́мсянь ме мыдзи ни.
Быд ой ме синваӧс кисьта,
ольпасьӧс синванам кӧтӧта.
8 Сьӧлӧм шогсянь синнэзӧ пемдісӧ,
ме вылӧ лэбтісьӧммез кузя умӧля адзза.
9 Умӧльсӧ кериссез, мунӧ ме дынісь быдӧнныт,
Дӧсвидзисьыс эд кыліс менчим горзӧ́мӧс.
10 Сія кыліс менчим кеймисьӧ́мӧс,
Дӧсвидзисьыс менчим кеймӧ́мӧс босьтіс тӧдвылас.
11 Ме вылӧ лэбтісиссесӧ Сія рожа куля́нӧдз
*в вайӧтас.
Нія ӧддьӧн повзясӧ,
рожа куля́нӧдз усясӧ да чожа бӧр бертасӧ.
Ошкӧ́м.
*а 6:2 мыжйыны ─ наказать
*б 6:3 лы ─ кость
*в 6:11 рожа куля́н ─ позор
Глава 6
