Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 11
Пеняцямо зыянонь ламолгадоманть коряс
1Моравтомань ветицянтень. Кавксо струна марто седямопельсэ. Давидэнь псалмась.
2Азоро, идемак!
Паронь теицятне эзть кадово,
виде ойметне ёмасть ломантнень ютксто.
3Эрьвась корты кенгелезь эсензэ малавиксэнстэнь.
Весе ёжовгалить валсост-кельсэст,
кортыть манчезь, аволь седейшкава.
4Кадык керясы Азорось эрьва валанясто кортыця келенть,
ёжовсто шныця келенть.
5Сынь кортыть: «Минь кельсэ-валсо виевть ультяно,
миненек ули мезе ёвтамс лиянень.
Арази ули кияк минденек седе покш?»
6«Кажовтне майсить-пиштить ды лепштязтне кувсить-вайкстнить, –
корты Азорось. – Мон сан ды кандан тенст идема, конань сынь пек учить».
7Азоронть валтнэ ванькст-кемевикст,
теке покш толсо солавтозь-ванськавтозь сия,
теке сисемень кирда ванськавтозь сия.
8Азоро, Тон ванстат минек,
пирят эйсэнек неть пежетевтнень эйстэ пингеде пингес.
9Зыяновтне якить пертьпельга,
зярдо ломантнень ютксо изнить седеень кельмевтиця тевтне.
Глава 11
