Bible Stories
Выбрать язык
Choose Old Testament Story
Choose New Testament Story
БЫДӞЫМНУНАЛ ЫЖПИЛЭН ВИРЫЗ
Египетлэн эксэез ваньзэ паймымон ужъёсты, Инмарлэсь пунэм берыктэмзэ адӟиз ке но, озьы но солэн сюлмыз ӧз небӟы. Соку Моисей шуиз: «Тазьы шуэ Кузё-Инмар: “Уйшор дыръя быдэс Египет пыр ортчо, котькуд семьяын нырысь вордскем пиез – Египет эксэйлэн бадӟымез пиез бордысен кутскыса, вукоын пызь изӥсь ляльчи кышнолэн пиез дорозь – ваньзы кулозы, пудоослэн нырысь вордскем ыжпиоссы, кунянъёссы, чуньыоссы но кулозы“».
Кузё-Инмар Моисей пыр вань израиль калыклы косон сётӥз: та уе вань семьяосын таза, дун-шектэм ыжпи мед вандозы; ыжпи сӥлез тыл вылын кебатыса (жарить карыса), сое чырсатымтэ нянен, курыт турынъёсын куртчыса сиыны кулэ. Израиль пиослы Инмар косон сётӥз: корка пырон ӧслэсь янакъёссэс (косякъёссэс), вылысь корзэ вандэм ыжпилэн вирыныз мед зыралозы. Кузё-Инмар шуиз: «Та вир Мон понна тодмет луоз: Египет музъемез вӧсь карыны кутскыкум, корка бордысьтыды вирез адӟо но, вӧзтӥды ортчо, курадӟон тӥ доры уз вуы».
Израиль пиос Инмарлэсь косонзэ быдэстӥзы. Уй вуиз но, египет калык кӧлыны выдӥз, нош уйшор уе ваньмыз нырысь вордскем пиоссы кулӥзы. Египет эксэй но, солэн вань медоосыз но, вань египет калык уйшоре султӥзы; Египет музъемын туж зол, викышъяса бӧрдэм куара кылӥськиз, – уго одӥг но кулэм мурттэм семья ӧз кыльы.
Та дырысен кутскыса, израиль калыклы Кузё-Инмар праздник тупатӥз, солэн нимыз Пасха (Быдӟымнунал), еврей сямен Песах, со ’вӧзтӥ ортчон; выжон, ортчон, потон’ шуэм луэ. Асьсэлэсь мозмытсконзэс буре вайыса, арлы быдэ израиль калык та праздник нуналэ ыжпи сӥлез чырсатымтэ нянен куртчыса сие.
Потон 11; 12:1-17, 30
90 
