Bible Stories
Выбрать язык
Choose Old Testament Story
Choose New Testament Story
«ВЫЛЬ ИН, ВЫЛЬ МУЗЪЕМ»
“Иоанн Апостоллы усьтӥськон“ книгаысь ӧжытак ке но тодыны луэ, кызьы ортчоз берпуметӥ суд, мар со “выль Ин но выль музъем“.
«Собере мон выль Инэз но выль музъемез адӟи; уго азьвылэз ин но, азьвылэз музъем но ортчизы-кошкизы, зарезь но ӧвӧл ни. Соку мон, Иоанн, Инмысь, Инмар дорысь васькись святой городэз, выль Иерусалимез адӟи; аслаз кузпалэз понна, выль кен кадь чеберъяса, со дасямын вал. Инмысь мон бадӟым куара кылӥ, со шуиз: “Тани, Инмарлэн адямиосын огазьын улон тылысэз (скинияез), соосын Со огазьын улоз; соос Солэн калыкез луозы, нош Ачиз Инмар соосын огазьын луоз, – соослэн Инмарзы луоз. Инмар соослэн син улысьтызы вань синкылизэс ӵушоз. Кулон уз ни луы, бӧрдон но, викышъян но, висён но уз ни луэ, – уго мар вал азьвыл, ваньмыз со ортчиз-кошкиз...“
Престол вылын Пукись шуиз: “Тани, Мон ваньзэ выльзэ кылдытӥсько“. Собере Со мыным шуиз: “Гожты, уго та кылъёс зэмесь, шонересь“. Мыным шуиз: “Быдэсмиз! Мон – Альфа но Омега, кутсконэз но, пумыз но. Сюэз куасьмем муртлы ошмесысь улэп вуэз дунтэк сёто. Вормись мурт ваньзэ тае люкетлы басьтоз, солы Мон Инмар луо, нош со Мыным – пи луоз. Нош кышкасьёслэн, оскисьтэмъёслэн, кырсь-юрӟым муртъёслэн, адями виылӥсьёслэн, азыса-калгыса улӥсьёслэн, туно-пеллёослэн, сульдэръёслы-идолъёслы йыбыртъясьёслэн, вань ӧрекчаськисьёслэн азьпал адӟонзы – тыл, сераен ӝуась ты. Таиз – кыкетӥез кулон...“
Город шундылэн но, толэзьлэн но югытсылы ёрмыса уг улы, уго Инмарлэн пиштӥсь данлыкез сое югдытыса возе, нош солэн югыт сётӥсез – Ыжпи... Со пушкы нокыӵе жоб макелэн пыремез уз луы, нокин но юрӟым, ӧрекчи уж лэсьтӥсь уз пыры, пырозы соос гинэ, кинъёс Ыжпилэн улон книгаяз гожтэмын».
Усьтӥськон 20:11-13; 21:1-8, 23, 27
512 
