Bible Stories
Выбрать язык
Choose Old Testament Story
Choose New Testament Story
ПАВЕЛЛЭН МАКЕДОНИЯЕ НО ГРЕЦИЕ ВУЫЛОНЭЗ
Кыкетӥзэ мынон-ветлон дыръяз, Павелэн ӵош ветлӥз Христослы оскись Сила нимо еврей пи. Антиохияысен соос нош ик Дервия но Листра каръёсы вуизы. Татысен Павел пумитаз Тимофей нимо егит пиез. Со луиз Павеллэн одӥгез тужгес но оскиськымон юрттӥськисез.
Собере соос вуизы Эгей зарезь дуре интыяськем Троада каре. Уин Павеллы адӟон вал: кыӵе ке но македон пи со азе султыса шуиз: «Лыкты Македонияе, юртты милемлы». «Та адӟон бере, ӝегатскытэк Македонияе потӥмы, малпамы, Кузё-Инмар ӧте отын Ӟеч Ивор тодытыны», – гожтэ Лука. Македония – Грецилэн уйпал но шунды ӝужан висказ интыяськем Рим кунлэн ёрос музъемез луэ. Эгей зарезь вамен пыжен потыса, соос вуизы Филиппы каре. Филиппыысен Павел Эгей зарезь дуре интыяськем бадӟым Фессалоника каре лыктӥз. Трос грекъёс (еллинъёс), нош озьы ик еврейёс Христос Инмарлы оскыны кутскизы. Еврейёс пӧлысь куд-огез бадӟым бугыръяськон ӝутӥзы. Соку Павелэн Сила Верия каре кошконо луизы. Верияысен Павел Афины каре вуиз – Грецилэн шоркараз. Со виын Греция Рим кун ки улын вал. Сое Ахаия шуыса нимазы. Афиныысен Павел Инмар Кылэз философъёслы но, огшоры калыклы но тодытыса улӥз. Афиныысен со лыктӥз Рим кунлэн тужгес но сӥё-дано Коринф городаз. Татын со арен ӝыны улӥз, со виын татын бадӟым христиан черк кылдытэмын вал. Зарезь ву кузя Коринфысь Павел Покчи Азие берытскиз, мынӥз бадӟым Ефес каре. Отысен со сюрессэ азьланьтӥз, Иерусалиме вуылӥз, отысен Антиохияе берытскиз.
Кыкетӥ ползэ мынон-ветлонэз ог куинь ар пала кыстӥськиз (50–53-тӥ аръёсы). Со дыр ӵоже музъем вылтӥ, ву вылтӥ кӧня сюрс иськем ортчемын вал!
Апостолъёслэн ужъёссы 15:36 – 18:22
470 
