Bible Stories
Выбрать язык
Choose Old Testament Story
Choose New Testament Story
ФИЛИПП НО ЭФИОПИЫСЬ КУЗЁЙЫР
Одӥг пол Кузё-Инмарлэн кылчинэз Филипп диаконлы шуиз: «Султы, мын лымшор пала, Иерусалимысь Газае васькись сюрес вылэ. Со калыктэм инты». Филипп султыса кошкиз. Тани, Эфиопиысь адями, евнух, Эфиопиысь эксэй кышномуртлэн юртаз кузёяськись, солэсь вань узырлыксэ возьмаса улӥсь мурт, Иерусалиме йыбырттыны ветлӥз. Бертон сяменыз, уробояз пуксьыса, Исаия пророклэсь гожъямзэ лыдӟиз.
Дух Филипплы шуиз: «Мын та уробо вӧзтӥ». Филипп матаз мынӥз. Со кылӥз, уробоын пукись мурт Исаия пророклэсь гожъямзэ лыдӟе шуыса, но солы шуиз: «Мар лыдӟиськод, валаськода?» Со мурт шуиз: «Нокин но ӧз дышеты бере, кызьы валалом?» Со Филиппез уробояз тубыны но асэныз артэ пуксьыны косӥз. Нош солэн Священной Гожтэмысь лыдӟоно люкетаз тазьы гожтэмын вал: «Ыж кадь вандыны Со нуэмын вал, кызьы ӵышкись азьын ыжпи куаратэм луэ, озьы ик Со но Аслэсьтыз ымзэ ӧз усьты. Сое ултӥязы, шонер судить ӧз каре. Нош Солэн выжыез сярысь вераны кин быгатоз? Уго Солэн улонэз музъем вылысь басьтӥське ини». Филипп солы Иисус сярысь Ӟеч Ивор тодытӥз.
Мынон сямен, соос ву дуре вуизы. Соку евнух шуиз: «Тани, ву. Мар люкетэ мыным пылатӥськыны (чукынӥськыны)?» Нош Филипп солы шуиз: «Вань сюлмысьтыд оскиськод ке, луоно». Соку эфиоп пи шуиз: «Оскисько, Иисус Христос – Инмар Пи луэ шуыса». Валзэ дугдытыны косӥз, нош собере кыкназы ик вуэ пыризы: Филипп но, евнух но. Филипп сое пылатӥз. Соос вуысь потэм бере, Святой Дух евнух вылэ васькиз. Нош Филиппез Кузё-Инмарлэн кылчинэз нуиз, евнух сое ӧз адӟы ни, со шумпотыса сюрес кузя азьпала ворттӥз.
Апостолъёслэн ужъёссы 8:26-39
454 
