Bible Stories
Выбрать язык
Choose Old Testament Story
Choose New Testament Story
АВРААМ ИСААКЕЗ КУРБОН СЁТЫНЫ ВАЕ
Инмарлэн куинь ивортӥсьёсыз Авраам доры вуылэм бере ар ортчиз, та куспын Сарралэн пи нуныез вордскиз. Авраам сое Исаак шуыса нимаз.
Исаак быдэ вуэм бере, Кузё-Инмар малпаз Авраамлэсь осконзэ, Инмарез яратонзэ эскерыны. Инмар солы таӵе кылъёсын вазиськиз: «Басьты аслэсьтыд одӥг гинэ яратоно Исаак пидэ но мын Мориа музъеме. Отын, гурезь йылын, кудзэ Мон тыныд возьмато, сое курбонлы сёт».
Секыт вал Авраамлы та ужез лэсьтыны. Но солэн потэ вал Инмарлэсь вань косонъёссэ быдэстэмез, уго со вань лулыныз-сюлмыныз Инмарез яратэ вал. Пу кораз но ишакез вылэ тыриз, кык медооссэ, Исаакез сьӧраз басьтӥз но Кузё-Инмарлэн возьматэм интыяз мынӥз.
Исаак уг тоды вал, кинэ солэн атаез курбон сётыны турттэ, соин ик атаезлэсь юаз: «Атае! Тани тыл, тани пу, нош кытын бен курбон сётоно ыжпиед?» Авраам тазьы ответ сётӥз: «Пие, Инмар шедьтоз курбон ыжпиез».
Мориа гурезь доры вуэм бераз, аслэсьтыз медооссэ Авраам гурезь улэ кельтӥз, нош ачиз гурезь йылэ тубиз но отчы курбон сётон инты лэсьтӥз. Пузэ тыриз но Исаакез гозыен думылыса курбон сётон вылэ понӥз. Нош со вакытэ инмысен Инмарлэн кылчинэз солы вазиськиз: «Авраам! Авраам! Пияш вылэ кидэ эн ӝуты, номыр но солы эн кары. Табере Мон тодӥсько ни, тон Инмарлэсь курданэн улӥськод, Мон понна тон аслэсьтыд одӥг вордскем пидэ ӧд жаля. Мон тыныд пачыл ӟечлык сётыса бакель каро».
Улон-вылон 22:1-18
44 
