Bible Stories
Выбрать язык
Choose Old Testament Story
Choose New Testament Story
ИИСУС ПИЛАТ АЗЬЫН
Ӵукна вуэм бере, вань архиерейёс, калыклэн тӧроосыз Иисусэз виыны сётон сярысь кенеш ортчытӥзы. Сое думылӥзы но Понтий Пилатлэн ки улаз сётӥзы.
Инмар Пиез вузась Иуда тодӥз, Иисус судэ сётэмын шуыса, соку со куамын манет азвесь уксёзэ архиерейёслы, тӧроослы берыктыса шуиз: «Янгыштэм Вирез вузаса, мон сьӧлык лэсьтӥ» (Мф. 27:1-4).
Пилат Солы тазьы шуиз: «Озьыен, Тон Эксэй?» Иисус шуиз: «Зэмлык сярысь шара ивортыны Мон вордӥськи, со понна ик дуннее лыктӥ. Котькудӥз зэмлык бордын возиськись Мынэсьтым куараме кылзӥське». Пилат Солэсь юаз: «Мар со зэмлык?» (Ин. 18:37-38).
Пилат, Иисусэз Иродлэн ёросысьтыз шуыса тодэм бераз, Сое Ирод доры ыстӥз. Ирод но та нуналъёсы Иерусалимын вал. Со Иисуслы трос юанъёс сётъяз, но Иисус пал кыл но ӧз вера. Соку Ирод, аслаз ожгарчиосыныз ӵош Сое сантэмамзы, ултӥямзы бере, Со вылэ югыт чилясь дӥськут дӥсяса, берен Пилат доры келятӥз.
Пилат, архиерейёсты, кузёйыръёсты, калыкез ӧтьыса, соослы шуиз: «Тӥ мон доры Та Адямиез калыкез сура-пожа шуыса ваиды. Тани, мон тӥ азьын чаклай-эскери но, Та Адямилэсь нокыӵе но уродзэ-шексэ, кудӥныз тӥ Сое янгыше уськытӥськоды, мон ӧй шедьты...» Праздник понна солы кулэ вал одӥгзэ жильыетын пукись муртэ лэзьыны. Но вань калык черекъяны кутскиз: «Кулон Солы! Милемлы Варавваез лэзь». Варавва пытсэтэ сюрем, городын бугыръяськон ӝутыкуз, адямиез виемез понна. Иисусэз лэзьыны турттыса, Пилат нош ик куаразэ будэтӥз. Нош соос кесяськизы: «Кортӵога, кортӵога Сое!» Архиерейёсын ӵош кесяськыса, соос вормизы (Лк. 23:7-23).
420 
