Bible Stories
Выбрать язык
Choose Old Testament Story
Choose New Testament Story
ИИСУСЭЗ ПЫТСЭТ УЛЭ КУТО
Иисус куинь пол дышетскисьёсыз доры вуылӥз, нош соос ялан изё вал. Куинетӥ ползэ лыктэм бераз, Со шуиз: «Тӥ ялан изиськоды, кыллиськоды на? Тани, час вуиз но, Адями Пи сьӧлыкоос кие сётӥське. Султэлэ, мыноме: тани, Монэ вузась мурт матам лыктӥз ини».
Иисус вераськон дыръя, татчы Иуда вуиз – дас кык дышетскисьёсыз пӧлысь одӥгез. Со архиерейёслы кыл сётӥз, Иисусэз куамын азвесь манетэн вузаса, соослэн ки улазы сётыны.
Иудаен ӵош, мечъёс, зыръёс кутыса, архиерейёслэн, калык тӧроослэн лэзем трос адямиоссы вуизы. Инмар Пиез вузась Иуда эшъёсызлы таӵе тодмет сёто шуыса вераз: «Кинэ мон чупало, со луоз Ачиз, кутэ Сое». Со куспын ик, со Иисус доры лыктӥз но Сое чупаса шуиз: «Шумпот, Равви (Дышетӥсь)!» Соку Иисус Иудалы шуиз: «Юлтош, мар понна тон лыктӥд? Чупасаа тон Адями Пиез вузаськод?» Иудаен ӵош вуэм ожгарчиослы вазиськыса, Иисус соослэсь юаз: «Кинэ утчаськоды?» Соос шуизы: «Иисус Назореез». Кузё-Инмар соослы шуиз: «Мон со». Тае кылыса, соос берлань чигназы но музъем вылэ уськытскизы.
Собере Иисус та адямиослы шуиз: «Йырвандӥсь мурт доры сямен, палашъёсын, зыръёсын Монэ кутыны потӥллям! Котькуд нунал Мон тӥледын огазьын храмын вал, тӥ Мон вылэ кидэс ӧд ӝутэ. Но али – тӥляд дырды, пеймыт улонлэн кузёяськон вакытэз».
Ожгарчиос Иисус Христосэз кутыса архиерейлэн юртаз нуизы, нош дышетскисьёсыз, Сое кельтыса, бызьыса кошкизы.
Матфейлэсь Ӟеч Ивор 26:45-57; Лукалэсь Ӟеч Ивор 22:45-53; Иоаннлэсь Ӟеч Ивор 18:1-12
416 
