Bible Stories
Выбрать язык
Choose Old Testament Story
Choose New Testament Story
ӜЫТАН БЕРЕ ВЕРАСЬКОН
Ӝытан бере Иисус Христос султӥз, куссэ ӵушконэн думиз, мисьтӥськонэ ву лэзиз но дышетскисьёсызлэсь пыдъёссэс миськыны, ӵушконэн ӵушылыны кутскиз.
Пыдъёссэс миськем бераз, Иисус соослы тазьы шуиз: «Тодӥськодыа, мар Мон тӥледлы лэсьтӥ? Тӥ Монэ Дышетӥсь, Кузё-Инмар шуыса нимаськоды, – шонер вераськоды, зэмзэ но, Мон со».
Та бере Иисус лулыныз-сюлмыныз бугырскыса шуиз: «Зэм ик, зэм ик тӥледлы верасько: тӥ пӧлысь одӥгез Монэ кутыса сётоз». Кин сярысь Солэсь верамзэ валатэк, дышетскисьёсыз соку огзы шоры огзы учкизы. Иисуслэн одӥгез, яратоноез дышетскисез, Солэн вӧзаз пукиз. Симон Петр солы тодмет лэсьтыса шуиз: «Юа, кин со, кин сярысь Со вера?» Со, Иисуслэн гадь вылаз мыкыртӥськыса, Солы шуиз: «Кузё-Инмаре! Кин со?» Иисус ответ сётӥз: «Кинлы Мон та нянь тӥялтэтэз веттыса сёто, со ачиз». Тӥялтэтсэ веттыса, Искариот Симон пи Иудалы сётӥз. Тӥялтэм нянез кияз кутыса, Иуда кыре потӥз; уй вал.
Иуда кыре потэм бере, Иисус тазьы вазиськиз: «Пиналъёс! Тӥледлы выль курон-косон сётӥсько: огдэс огды яратэ; кызьы Мон тӥледыз яратӥ, озьы ик тӥ но огдэс огды мед яратоды. Куспады яратонды луиз ке, тӥ Мынам дышетскисьёсы шуыса, тӥледыз ваньмыз тодмалозы».
Собере Со шуиз: «Та уе ваньды тӥ Мон бордысь куштӥськоды». Соку Петр Солы шуиз: «Ваньзы но Тынэсьтыд куштӥськизы ке, мон ноку но Тынэсьтыд уг куштӥськы». Иисус солы шуиз: «Зэм ик верасько тыныд: та уе, атас чортытозь, куинь пол тон Мон бордысь куштӥськод».
Иоаннлэсь Ӟеч Ивор 13:4-38; Матфейлэсь Ӟеч Ивор 26:33-34
412 
