Bible Stories
Выбрать язык
Choose Old Testament Story
Choose New Testament Story
ХРИСТОС – “ВИНОГРАДПУД“
Иисус Аслэсьтыз дышетскисьёссэ Кузё-Инмарлэн удысаз ужаны дасяз. Тани Со кызьы соосты дышетӥз:
«Мон – зэмос виноград Пуд, нош Мынам Атае – Виноград Будэтӥсь. Мынэсьтым котькудзэ емыш сётӥсьтэм вайме Со ӵогыса куштэ... Мон бордын улэлэ, нош Мон тӥ бордын уло. Кызьы улвай пуд бордын ӧз ке улы, ас понназ аслаз емыш ваемез уз луы, тӥ но озьы ик – Мон бордын ӧд ке улэ. Мон – Пуд, тӥ – вайёсыз. Кин Монэн улэ, Мон но со бордын улӥсько, со трос емыш вае. Уго Монтэк номыр но лэсьтэмды уг луы. Кин ке Мон бордын ӧз улы, со улвай кадь ик педло куштэмын луоз, отын со куасьмоз; нош сыӵе вайёсты бичало но тыл пӧлы куштыса суто. Мон бордын улӥды ке, Мынам кылъёсы тӥ бордын улӥзы ке, соку тӥ, мае куремды потэ, курелэ, – тӥледлы сётэмын луоз...
Кызьы Монэ Атае яратӥз, Мон но озьы ик тӥледыз яратӥ; Мынам яратонэным улэлэ. Мынэсьтым курон-косонъёсме быдэсъяды ке, Мынам яратонам улоды. Уго Мон но Аслам Атаелэсь курон-косонъёссэ быдэсъяй но соин ик Солэн яратоназ улӥсько... Тани таӵе Мынам тӥледлы курон-косонэ: яратэлэ огдэс огды.
Дунне тӥледыз адӟемпотостэм каре ке, тодэлэ: тӥлесьтыд азьло Монэ адӟемпотостэм кариз. Тӥ та дуннелэн адямиосыз луысалды ке, дунне тӥледыз аслэсьтыззэ кадь яратысал. Тӥ дуннелэн ӧвӧл бере, нош Мон тӥледыз дуннеысь бырйи, соин ик дунне тӥледыз адӟемпотостэм каре... Монэ уллязы бере, тӥледыз но уллялозы; Мынэсьтым кылме санэ понӥзы ке, тӥлесьтыдзэ но санэ понозы. Ваньзэ тае тӥледлы Мынам нимылы луыса лэсьтозы, малы ке шуоно, соос Монэ Ыстӥсез уг тодо. Мон ӧй ке лыктысал но соослы ӧй ке верасал, соку соослэн сьӧлыксы ӧй луысал; нош табере соослэн сьӧлыкенызы шонере потэмзы уг ни луы. Монэ адӟемпотостэм карись, Мынэсьтым Атайме но адӟемпотостэм каре».
Иоаннлэсь Ӟеч Ивор 15:1-7; 9-10; 17-23
408 
