Bible Stories
Выбрать язык
Choose Old Testament Story
Choose New Testament Story
ВАНЬМЫЗЛЭСЬ БАДӞЫМЕЗ КУРОН-КОСОН
Одӥг пол Иисус доры закон тодӥсь лыктӥз. Евангелиын ӵем пумисько закон тодӥсьёс, книга тодӥсьёс сярысь веран. Озьы шуо вал еврей калык пӧлысь потэм дышетскем адямиосты. Соос вань улонзэс сӥзё вал Священной Гожтэмез сэрттон-пертчонлы, валэктонлы, уката ик – Моисейлэсь гожтэм законзэ.
Закон тодӥсь Иисуслэсь юаз: «Дышетӥсь! Законын кудӥз ваньмызлэсь бадӟымез курон-косон?» Иисус солы шуиз:
«“Кузё-Инмарез, аслэсьтыд Инмардэ
вань сюлмыныд,
вань лулыныд,
вань мылкыдыныд яраты“.
Та нырысетӥез но ваньмызлэсь бадӟымез курон-косон. Кыкетӥез но со кадь ик:
“Матысьтэ астэ ачид
кадь ик яраты“.
Та кык курон-косонъёс вылын возиське быдэс закон но пророкъёс».
Гажано пиналъёс! Уте, сюлмады возе Кузё-Инмарлэсь Иисуслэсь та верам кылъёссэ.
Матфейлэсь Ӟеч Ивор 22:36-40
400 
