Bible Stories
Выбрать язык
Choose Old Testament Story
Choose New Testament Story
ЗАКХЕЙ ВЫТ БИЧАСЬЛЭН БЕРЫТСКОНЭЗ
Иисус нош ик лыктӥз Сылало (Кулэм) зарезь дурысь Иерихон каре. Та городын Закхей нимо выт бичась улӥз. Ӵем дыръя выт бичасьёс пӧяськыса, законлэн сьӧраз потыса, мултэссэ ас кисыязы тырылӥзы. Соин ик калык соосты адӟемпотостэм каре вал.
Выт бичасьёслэн йырзы, Закхей нимо узыр адями, Иисусэз, кин шуыса, адӟыны турттыса утчаз. Но калык сьӧрысен адӟыны ӧз быгаты, малы ке шуоно, со лапег мугоро вал. Азьпала бызьыса потӥз но, Иисусэз адӟон понна, смоквапуэ тубиз, – Иисус та вӧзтӥ ортчыны кулэ вал уго. Иисус, та интые вуэм бераз, вылӥе учкиз но, Закхеез адӟыса, солы шуиз: «Закхей! Ӝоггес васькы, туннэ Мон тынад коркад луыны кулэ».
Закхей ӝогак васькиз но шумпотыса Иисусэз дораз пыртӥз. Тае адӟыса, ваньзы ӟургетыны кутскизы, Со сьӧлыко мурт доры пыриз шуыса вераськизы. Нош Закхей султыса Кузё-Инмарлы шуиз: «Кузёе! Ӝыны ваньбурме кураськисьёслы сёто, кинэ ке, маин ке ӝоже уськытӥськем ке, пунэмме ньыль полэс берыкто». Иисус солы шуиз: «Туннэ нуналэ та коркалы утиськон лыктӥз, малы ке шуоно, со но Авраамлэн пиез. Уго Адями Пи быремзэ утчаны, сое утьыны лыктӥз».
Лукалэсь Ӟеч Ивор 19:1-10
386 
