Bible Stories
Выбрать язык
Choose Old Testament Story
Choose New Testament Story
ФАРИСЕЙ НО ВЫТ БИЧАСЬ СЯРЫСЬ МАДЁН
Ӵем дыръя асьмелы асьмеос шонер, янгышъёстэк-шекъёстэк, сьӧлыкатэк улӥсьёс кадесь потӥськомы. Нош Кузё-Инмар асьмеды вылтӥяськытэк, зӥбыт-востэм улыны дышетэ. Мукетъёссэ ултӥяса, асьсэды шонер улӥсь шуыса лыдъясьёс понна Иисус вераз фарисей но выт бичась сярысь мадён:
«Кык адямиос храме вӧсяськыны пыриллям: одӥгез фарисей, нош мукетыз – выт бичась. Фарисей султыса, ас понназ ачиз тазьы вӧсяськем: “Инмаре! Тыныд тау карисько, мон сыӵе ӧвӧлысь, кыӵеесь луо мукет муртъёс – адями таласьёс, ултӥясьёс, азыса-калгыса улӥсьёс, яке тани, та выт бичась кадь. Арнялы быдэ кык пол визясько, мар гинэ басьтӥсько, дасэтӥ люкетсэ сётӥсько“.
Нош выт бичась, палэнын сылыса, синзэ но инме ӝутыны дӥсьтымтэ. Со гадяз шуккылыса шуэм: “Инмаре! Жаля монэ, сьӧлыкоез!“
Тӥледлы верасько: соиз сярысь таиз юнгес шонере потыса дораз бертӥз: уго котькудӥз но ассэ ачиз вылӥе ӝутӥсь мурт ултӥямын луоз, нош ассэ ачиз ултӥясь мурт – ӝутӥськоз».
Гурезь йылын тодытоназ Иисус дышетскисьёсызлы таӵе визьнод сётӥз:
«Судить эн каре, тӥледыз но судить уз каре. Уго кыӵе судэн судить кариськоды, сыӵеен ик тӥ но судить каремын луоды; кыӵе мертэтэн мертаськоды, сыӵеен ик тӥледлы но мерталозы».
Лукалэсь Ӟеч Ивор 18:10-14; Матфейлэсь Ӟеч Ивор 7:1-2
380 
