Bible Stories
Выбрать язык
Choose Old Testament Story
Choose New Testament Story
ИН ЭКСЭЙЛЫК СЯРЫСЬ МАДЁНЪЁС
Иисус пыже пырыса, тазьы калыкез дышетыны кутскиз:«Ин Эксэйлык ас бусыяз ӟеч кидыс кизем адямилы укша. Адямиос изён дыръя, тушмон лыктэм но чабей пӧлы букро*а кизьыса кельтэм. Узьымез ӝужам но, шепез потыны кутскем, соку ик букро но ӝужаса потэм. Корка кузёлэн ляльчиосыз лыктӥллям но солы шуиллям: “Кузёмы! Ӟеч кидыс ӧд кизьы вала тон бусыяд? Кытысь бен потӥз букро?“ Соослы Со шуэм: “Тушмон адями лэсьтӥз тае“. Нош ляльчиосыз солы шуиллям: “Кулэа тыныд, ми мыном но быръём соосты?“ Нош со шуэм: “Уг яра, букроез быръён сямен, соин ӵош чабеез медад ишкалэ. Кельтэлэ, аран вуытозь, соиз но, таиз но огазьын мед будозы. Аран дыръя арасьёслы мон шуо: “Нырысь ик букроез октэ, сутыны вылысь культое думылэ; нош чабейме кеносам тырелэ“».
Иисус соослы мукет мадён вераз на:
«Ин Эксэйлык горчица кидыслы укша. Со кидысэз адями басьтэм но аслаз бусыяз кизем. Вань кидысъёс пӧлысь со векчи ке но, нош будэ ке, вань шепо будосъёслэсь ӝужыт луэ, писпулы пӧрме – ин тылобурдоос лыктыса, солэн вайёсаз пегӟыса уло».Соослы Со мукет мадён вераз на:
«Ин Эксэйлык укша на умой марӟан басьтыны утчась вузчилы. Со одӥг гинэ дуно марӟан шедьтэм, мынэм, маиз вань, ваньзэ вузам но со марӟанэз басьтэм.
Ин Эксэйлык укша на зарезе куштэм калтонлы, кудаз пӧртэм пумо чорыгъёс сюриллям. Калтон пачыл луэм бере, сое ярдуре поттӥллям но пуксьыса ӟечъёссэ чорыгъёсты посудаязы тыриллям, нош уродэсьёссэ – палэнэ сэрпалтылӥллям. Тазьы луоз дунне бырыку: потозы кылчинъёс, шонер улӥсьёс пӧлысь лек муртъёсты соос поттозы но ӝуась гуре куштозы: отын бӧрдон, пинь сыскон луоз».
Матфейлэсь Ӟеч Ивор 13:24-50
*а Букро – чабейлы кельшись жаг турын.
346 
