Bible Stories
Выбрать язык
Choose Old Testament Story
Choose New Testament Story
ПАЛКЫШНОЛЭСЬ ПИЗЭ ЛУЛЪЯСЬКЫТОН
Иисус дышетскисьёсыныз, трос калыкен ӵош Наин каре лыктӥз. Кар капкалы матэ вуыкуз, кулэм муртэ потто вал. Анаезлэн со одӥг гинэ вал, анаез – палкышно. Трос калык келяськыса мынӥз. Бӧрдӥсь анаез адӟыса, Кузё-Инмар сое жаляса шуиз: «Эн бӧрды». Собере Со кулэм пияшез нуисьёс доры вамыштӥз, – нуисьёс дугдӥзы. Иисус шуиз: «Пияш! Тыныд верасько: султы!» Кулэм пи ӝутӥськыса пуксиз но вераськыны кутскиз. Иисус лулъяськем пиез анаез кие сётӥз. Ваньзы туж куалектӥзы но Инмарез данъяса шуизы: «Асьме куспысь быдӟым пророк султӥз. Инмар Ас калыкез доры вуылӥз».
Иисус понна быдэстыны луонтэм ужъёс ӧвӧл, уго Со – улэп, Быдӟым Инмарлэн Пиез луэ. Солэн дышетонэз яратонэн но кужымен пачылмемын, нош ужъёсыз адямиосты жалянэн тыр луэмын.
Музъем вылын улыкуз, адямиосты жаляса, Инмар Пи туж бадӟымесь паймымон ужъёс лэсьтылӥз. Али но, Инмысь Атайлэн пиштӥсь данлыказ улыса, Со асьмелэн Утисьмы, Дурбасьтӥсьмы луэ.
Лукалэсь Ӟеч Ивор 7:11-16
342 
