Bible Stories
Выбрать язык
Choose Old Testament Story
Choose New Testament Story
ГУРЕЗЬ ЙЫЛЫН ТОДЫТОН:
ШУДО ЛУОН ПОННА КУРОН-КОСОНЪЁС
Иисус гурезь йылэ тубиз. Котыраз дышетскисьёсыз люкаськем бере, Со кутскиз соосты шудо луон сярысь дышетыны. Та веранэз “Гурезь йылын тодытон“ шуыса нимало. Со Иисус Христослэн дышетонэзлэн шорсюлмыз луэ:
«Покчи мылкыдоос шудоесь: соослэн Ин Эксэйлыксы вань.
Бӧрдӥсьёс шудоесь: соос буйгалозы.
Востэмъёс шудоесь: соос музъем басьтозы.
Шонер улонэз сютэм, сюзы куасьмыса возьмасьёс шудоесь: соос тыр луозы.
Муртлы ӟеч карисьёс шудоесь: соос ӟеч каремын луозы.
Чылкыт сюлэмоос шудоесь: соос Инмарез адӟозы.
Тупаса улон ваисьёс шудоесь: соос Инмар пиос шуыса нимаськозы.
Шонер улон понна уллямъёс шудоесь: соослэн Ин Эксэйлыксы вань.
Мон понна тӥледыз курлазы ке, уллязы ке, котькыӵе но урод кылъёсын юнме куаретӥзы ке, тӥ шудоесь.
Шумпотэлэ, шулдыръяськелэ – Инмын басьтоно медды-кузьымды бадӟым: тӥлесьтыд азьвыл улэм пророкъёсты но озьы ик уллязы.
Тӥ – музъемлэн сылалэз. Нош сылал аслэсьтыз кужымзэ ыштӥз ке, маин сое кузьыт карод на? Со номырлы но ярантэм ини, педло поттыса, калык пыд улэ гинэ куштыны ярано на.
Тӥ – дуннелэн югытэз. Гурезь йылын сылӥсь город ватӥськыны уг быгаты. Сюсьтылэз ӝуатыса, тусьты улэ уг пукто, сюсьтыл пуктонэ пукто, соку со ваньмызлы коркан югыт каре. Озьы ик тӥляд но югытты адямиос азьын мед пиштоз, тӥлесьтыд ӟеч ужъёстэс мед адӟозы но Инмысь Атайдэс мед данъялозы».
Матфейлэсь Ӟеч Ивор 5:3-16
330 
