Bible Stories
Выбрать язык
Choose Old Testament Story
Choose New Testament Story
ИИСУС ХРИСТОСЛЭН ДАС КЫК ДЫШЕТСКИСЬЁСЫЗ
Назаретысь кошкем бераз, Иисус улыны интыяськиз Завулонэн Неффалимлэн ёросысьтызы Галилей зарезь дурысь Капернаум каре. Озьы Исаия пророклэн верам кылыз быдэсмиз: «Завулон музъем, Неффалим музъем, зарезь дуре мынон сюрес вылын, Иордан сьӧрын, язычникъёслэн Галилеязы, пеймыт азьын пукись калык быдӟым югытэз адӟиз, кулонлэн шаераз но вужераз пукисьёслы югыт пиштыны кутскиз». Та дырысен Иисус тазьы вераса тодытыны кутскиз: «Ӧбкельыса сьӧлыкъёстылэсь куштӥське, уго матэ вуиз Ин Эксэйлык». Пӧртэм палъёсысь туж трос калык Со бӧрсьын ветлӥз. Со соосты дышетӥз, висёнъёслэсь йӧнатылӥз.
Иисус Аслыз дас кык дышетскись бырйиз. Тани соослэн нимъёссы: Симон, Андрей, Иоанн, Иаков, Филипп, Варфоломей*а, Матфей**, Фома, Алфейпи Иаков, Фаддей***, Кананит Симон но Искариот Иуда, кудӥз бӧрысь Иисусэз вузаз но. Ваньмыз дышетскисьёсыз огшоры ужась калык пӧлысь потэмын вал, но Инмар соослы шуд сётӥз Инмар Пилэн Иисус Христослэн эшъёсыз, дышетскисьёсыз луыны.
Андрей Симон-Петр агаеныз Галилей зарезьын чорыгаса уло вал. Иисус соосты адӟыса шуиз: «Ойдолэ Мон сьӧры, Мон тӥледыз адями кутылӥсь каро». Калтонъёссэс куштыса, Андреен Петр Иисус сьӧры мынӥзы. Отысен, азьпала мынон сяменыз, пыжын пукись кык агай-вынъёсты, Иаковен Иоаннэз, адӟиз. Иисус соосты бӧрсяз ӧтиз. Мукетъёсыз но дышетскисьёсыз, Иисус ӧтем бере, соку ик Со сьӧры мыныны султӥзы. Иисус соосты калык пӧлы тодытыны-дышетыны ыстылӥз; висисьёсты бурмытыны, периосты улляса поттылыны соослы кужым сётӥз.
Матфейлэсь Ӟеч Ивор 4:12-22; Марклэсь Ӟеч Ивор 3:13-19
*а Мукет нимъёссы: *Нафанаил, **Левий, ***Иаков Иуда но Леввей.
316 
