Bible Stories
Выбрать язык
Choose Old Testament Story
Choose New Testament Story
ИИСУСЛЭН НАЗАРЕТЫН ОРТЧЕМ ПИНАЛ ДЫРЫЗ
Иудей музъемлэн Ирод эксэез кулытозь, Иосиф, Мария но пичи Пи Иисус Египетын улӥзы. Ирод кулэм бере, Кузё-Инмарлэн кылчинэз Египетысен Иосифлы уйвӧтаз возьматӥськыса шуиз: «Султы, басьты Нуныез, Солэсь Анайзэ но мын Израиль музъеме, Нунылэсь лулзэ утчасьёс кулӥзы ни».
Кылчинлэсь верамзэ кылзӥськыса, Иосиф Израиле мынӥз. Ирод интые солэн Архелай пиез Иудеяын эксэй луэм шуыса тодэм бераз, отчы мыныны со кышказ. Нуныен ӵош солы Назарет каре мыноно шуыса, уйвӧт пыр со ивор басьтӥз. Азьвыл отын Мария Нылмурт улӥз.
Иисуслэн Назаретын улэм аръёсыз сярысь ӧжыт тодӥськомы. Иосиф лэсьтӥськись вал бере, Иисус солы юрттӥськылӥз. Ачиз но Со лэсьтӥськись луиз. Пичи дырыз, быдэ вуон аръёсыз сярысь Евангелиын туж ӧжыт гожъямын. Нош мар гожтэмын, со но тырмыт луэ, Инмар Пилэсь кыӵе вылэмзэ тодон понна: «Нуны будэм, лулыныз-сюлмыныз юнмам, визьмын тыр луэм; Инмарлэн дэлетэз Со вылын улэм»; эшшо тазьы гожтэмын: «Иисус визьмын но, арлыдын но будэм; Инмарлы но, адямиослы но Со яратыны ярамон вылэм».
Одно ик тае пусйыны кулэ: музъем вылысь анай-атаезлэсь кылзӥськыса, Со будӥз. Та пумысен Евангелиын тазьы гожтэмын: «Соослэсь кылзӥськыса улэм». Инмарлэн дас курон-косонъёсыз пӧлысь одӥгез тазьы шуэ: «Атайдэ но, анайдэ но сӥлы кар, – тыныд умой мед луоз, музъем вылын кема мед улод шуыса, та музъемез тыныд Инмаред Кузё-Инмар сётэ».
Матфейлэсь Ӟеч Ивор 2:19-23; Лукалэсь Ӟеч Ивор 2:40, 50-52; Потон 20:12
306 
