Bible Stories
Выбрать язык
Choose Old Testament Story
Choose New Testament Story
ШОНЕР УЛӤСЬ ВИЗЬНОДЧИ СИМЕОН
Тямыс нунал ортчем бере, Нунылы вандӥськон сямез ортчытыны ваизы. Соку Солы Иисус ним сётӥзы. Анай пушкын кылдэмезлэсь азьвыл ик кылчин Солы таӵе ним сётэмын луоз шуыса ивортӥз. Та ним, еврей кылысь берыктыса, «Инмар уте» шуэм луэ.
Кузё-Инмарлэн сётэм законэзъя, анай пушкысь нырысь потэм пи нуны Кузё-Инмарлы сӥземын луыны кулэ. Иисуслы куать арня тырмем бере, Сое Иерусалиме туж чебер, сӥё-дано храме ваизы Кузё-Инмар азе султытыны но, Кузё-Инмарлэн сётэм законэзъя, кык кыр дыдыкъёсты яке кык дыдыкпиосты курбон сётыны.
Соку Иерусалимын улӥз Симеон нимо пересь визьнодчи. Со шонер, Инмарлы туж оскыса, Израилез Утисьлэсь вордскемзэ витьыса улӥз. Со вылын Святой Дух улӥз. Солы Святой Дух пыр верамын вал, Христосэз Утисез адӟытэк уд кулы шуыса. Духен тыр луыса, со храме лыктӥз. Со дыре ик, законын гожтэм куронэз быдэстон понна, Иисус Нуныез анай-атаез храме ваизы. Соку Симеон Нуныез кияз кутӥз но Инмарлы тау карыса шуиз: «Аслад верам кылыдъя, Инмар Атае, ляльчиедлы каньыллык сётыса, туннэ сое лэзиськод. Тынэсьтыд мозмытондэ мынам синъёсы адӟизы ни, Тон сое вань калыкъёслэн син азязы дасяд уго: язычникъёслы Со югдытскон луоз, Израиль калыкедлы данлык луоз».
Со сярысь верамлы Иосиф но, Солэн Анаез но паймизы. Симеон соосты бакель кариз но Солэн Анаезлы, Мариялы, шуиз: «Тани, Та Нуны пыр Израильысь тросэз погралоз, тросэз ӝутӥськоз. Тросэзлэн сюлэм малпанъёссы мед усьтӥськозы шуыса, Со котырын трос ченгешонъёс луозы. Тынад Аслад но лул пыртӥд палаш потоз».
Лукалэсь Ӟеч Ивор 2:21-35
298 
