Bible Stories
Выбрать язык
Choose Old Testament Story
Choose New Testament Story
ВУ НЮРТОНЛЭН ЙЫЛПУМЪЯСЬКОНЭЗ
Сю витьтон нунал ортчыса, ву нюртон йылпумъяськиз, пумен-пумен ву синыны кутскиз. Нойлэн пыжез Арарат гурезь вылэ дугдӥз. Ньыльдон нунал ортчем бере, Ной пыжезлэсь укнозэ усьтӥз но кырныжез кыре лэзиз, музъем вылын ву вань на-а шуыса тодыны. Кырныж лобӟыса кошкиз но берен лобыса вуылӥз – музъем куасьмытозь озьы лобаз.
Собере Ной дыдыкез лэзиз. Нош дыдык, музъем вылэ пуксьыны инты шедьтытэк, берен берытскиз, уго быдэс музъем вылын ву пуке на вал. Сизьым нунал ортчыса, Ной нош ик дыдыкез кыре лэзиз. Ӝыт дыдык со доры берытскиз: ымаз куртчыса вӧйпулэсь вайзэ ваиз. Соку Ной тодӥз, музъем вылысь ву кошкем ни шуыса.
Эшшо сизьым нунал улыса, Ной нош ик пыжысь дыдыкез кыре лэзиз, но со ӧз ни берытскы. Соку Ной пыжлэсь (ковчеглэсь) выл шобретсэ усьтӥз но адӟиз: музъем выл куасьмем ни. Инмар Нойлы шуиз: «Пот пыжысь, кышноед но, пиосыд но, кенъёсыд но мед потозы; сьӧрад басьтэм пудо-животъёстэ потты... музъемлэн вань пумъёсаз мед вӧлмозы, мед йылозы, тросгес мед луозы».
Улон-вылон 8:1-17
28 
