Bible Stories
Выбрать язык
Choose Old Testament Story
Choose New Testament Story
ВЫЛЬ СӤЗЁН
Выль Сӥзёнэ пыро 27 книгаос. Соос пӧлын нырысь интыын сыло Матфейлэн, Марклэн, Лукалэн, Иоаннлэн гожтэм Евангелиоссы; соос бере мыно Апостолъёслэн ужъёссы, 21 ыстэм гожтэтъёс но Иоаннлы Усьтӥськон. Евангелие – грек кыл, со “Ӟеч Ивор“ шуыса берыктӥське.
Ньылезлэн ик Евангелиослэн пуштроссы ог-огенызы тупа, одӥг кадь дышетон тодытӥське. Соосты, Святой Духен тыр луыса, ньыль апостолъёс гожтӥзы. Евангелиослэн шорсюлэмзы – дуннелэн Утисезлэн, Иисус Христослэн, улэмез, дышетонэз. Ньыль Евангелиос – Выль Сӥзёнлэн ог ӝыны люкетэз.
“Апостолъёслэн ужъёссы“ книгаын вераськон мынэ Иисус Христослэн Инме ӝутскем бераз ортчем ужъюгдуръёс сярысь. “Лукалэсь Ӟеч Ивор“ книгаез сямен ик, сое гожтӥз Лука нимо врач.
Вань ыстэм гожтэтъёсты гожтӥзы Иисус Христослэн дышетскисьёсыз, Солэсь дышетонзэ кабыл басьтӥсьёс. Выль Сӥзёнлэн та люкетаз пыртэмын Иаковлэн но Иудалэн быдэн одӥг ыстэм гожтэтсы, Петрлэн – кыкез, Иоаннлэн – куинез, Павеллэн – дас куинь ыстэм гожтэтъёсыз. “Еврейёслы ыстэм гожтэт“ пумысен шекланонъёс (сомнениос) вань ке но, тросэз лыдъяло, сое Павел апостол гожтӥз шуыса. Та гожтэтъёсын сётэмын христиан калыклы индылонъёс, валэктэмын, кызьы кулэ улыны, астэ возьыны; сэрттэмын-пертчемын Иисус Христослэн дышетонэз, нодъянэз, нош озьы ик, вакчияк ке но, луэ тодыны нырысь христианъёслэн улэм-вылэмзы сярысь.
“Иоанн апостоллы Усьтӥськон“ книгаез гожтӥз Иисус Христослэн дышетскисез Иоанн, солэн киыныз ик гожтэмын “Иоаннлэсь Ӟеч Ивор“. Иисус Христос “Аслаз ляльчиезлы, Иоаннлы“ азьпал улонысь адӟонъёсты усьтӥз, “ӝоген мар луонэз возьматон понна“.
283 
