Bible Stories
Выбрать язык
Choose Old Testament Story
Choose New Testament Story
ЕЗЕКИЯ ЭКСЭЙЛЭН ВӦСЯСЬКОНЭЗ
721 арын Уйпал Израиль кунэз Ассирия киултэм но отысь калыкез Ассирияе нуэм бере, Инмарлэн юрттэменыз, Лымшор Иуда кун эшшо 130 ар ӵоже возиськиз на.Езекия – Иудалэн эксэйёсыз пӧлысь одӥгез. Со кызь укмыс ар ӵоже Иерусалимын эксэй пуконын пукиз. Иудалэн вань эксэйёсыз пӧлысь Езекия самой устоез вал, уго со Кузё-Инмар бордысь ӧз палэнскылы, Инмарлэсь Моисей пыр сётэм вань курон-косонъёссэ быдэсъяса улӥз. Со сульдэръёслы йыбыртъянэн нюръяськыны кутскиз. Вань сульдэръёсты пыргытытӥз, калыкез Зэм Инмарлы оскыса улыны дышетӥз. Ассирия эксэйлэн ки улысьтыз потӥз, солы тэрытскыса улэмысь дугдӥз. Та бере Ассириялэн Сеннахирим эксэез Езекияез ялан кышкатыса возиз, куриз сое тэрытскыса улыны. Езекиялы со гожтэт ыстӥз, вылтӥяськыса со серем кариз Зэм Инмарлы оскись эксэез. Кыл вератэк аслыз тэрытскыса улыны сое косӥз, уго Ассирия котырысь вань калыкъёс Сеннахиримлэн ки улаз вал ини.
Гожтэт басьтэм бераз, Езекия Инмарлэн храмаз пыриз. Отын со гожтэтэз усьтӥз но Кузё-Инмар азьын вӧсяськыны кутскиз: «Израильлэн Инмарез, Кузё-Инмаре, херувимъёс вылын пукись! Музъем вылысь вань эксэйлыкъёслы Тон огнад Инмар луиськод, инэз но музъемез Тон кылдытӥд. Кузё-Инмаре, пельдэ мыкырты но кыл монэ; Кузё-Инмаре, синдэ усьты но адӟы монэ. Кузё-Инмаре, Тонэ, улэп Инмарез, сантэмась Сеннахиримлэсь гожтэтысьтыз кылъёссэ кыл! Э Кузё-Инмаре, зэм, Ассириялэн эксэйёсыз калыкъёсты номыртэк кельтӥзы, соослэсь инмаръёссэс тылэ куязы, – но соос Инмар ӧвӧл, соос киын пулэсь, излэсь лэсьтэм макеос, соин ик соосты быдтӥзы но. Али но, Инмармы, Кузё-Инмаре, солэн ки улысьтыз мозмыты, музъем вылысь вань эксэйлыкъёс мед тодозы, Тон гинэ, Кузё-Инмаре, Инмар луиськод шуыса».
Кузё-Инмар кылӥз оскись эксэйлэсь вӧсяськемзэ.
4 Эксэйлык 18:1-7; 19:9-19, 35-36
216 
