Bible Stories
Выбрать язык
Choose Old Testament Story
Choose New Testament Story
ИЕРИХОНЭЗ КИУЛТОН
Израиль калык Иерихон доры вуэм бере, иерихон эксэй вань кар капкаосты пытсаны косӥз. Кузё-Инмар Навин Иисуслы шуиз: «Иерихон но, солэн эксэез но, ожгарчиос но – ваньмыз тынад ки улад луозы. Куать нунал ӵоже, нуналлы быдэ, пыӵал-тӥрлык кутыса, вань ожгарчиосыд, сӥзён ковчегез ӝутыса, городэз мед котыртылозы. Сюр кутыса, ковчег азьтӥ сизьым священникъёс мед мынозы. Сизьыметӥ нуналаз сизьым пол городэз котыртэ, священникъёс сюр-гумыен мед пеллялозы. Сюр-гумы куараез кылӥды ке, вань калык бадӟым куараен мед кесиськоз: карлэн борддорез выжыозяз куашкалоз но соку вань калык городэ пыроз».
Азьпалтӥ пыӵал-тӥрлыкен ожгарчиос мынӥзы, соос бӧрсьы священникъёс сюр-гумыен пелляса мынӥзы. Навин Иисус калыклы таӵе косон сётӥз: «Шып улэ, одӥг кыл но, одӥг куара-ланга но эн поттэ, тӥледлы “кесяське!“ шуытозям, соку кесяськыны кутске». Озьы, Кузё-Инмарлэн сӥзёнэныз ковчегез город котыртӥ нуизы, одӥг пол котырскемзы бере, израиль калыклэн сылон интыяз берытскизы. Мукетаз нуналэ но одӥг пол город котыртӥ котырскыса, нош ик израиль калыклэн балаганъёсыз доры дугдӥзы. Тазьы соос куать нунал лэсьтӥзы. Сизьыметӥ нуналэ ковчегез город котыртӥ сизьыметӥ ползэ нуыкузы, священникъёс сюр-гумыен пелляса шудыны кутскем бере, Навин Иисус калыклы шуиз: «Кесяське, Кузё-Инмар городэз тӥ кие сётэ!» Сюр-гумы куараез кылэм бере, вань калык чир кесяськыны кутскиз, соку ини кар борддоръёс выжыозяз куашказы. Котыр ласянь калык городэ пыриз, городэз киултӥзы.
Иерихонэ азьвыл чакланы-эскерыны кык ӵошен ветлэмъёс соосты ватӥсь Раавлы кыл сётӥзы вал, городэз киултыку, сое, солэсь ӵыжы-выжыоссэ но утьыны. Соос Раавез, израиль калык городэ пырем бере, укно бордаз горд басма думыны косӥзы. Раав косонзэс быдэстӥз, сое вань ӵыжы-выжыосыныз ӵош улэп кельтӥзы. Собере Иерихон тылын сутэмын вал.
Навин Иисус 6:1-24
132 
