Bible Stories
Choose Language
Choose Old Testament Story
Choose New Testament Story
ИСУС ПАНЬЦЫНЕ МИШЕНДИХНЕНЬ ШКАЙКУДСТА
Иудеень очижида*а инголе Исус сась Ерусалиму. Шкайкуду сувамста няезе, тоса мишендихть букат, учат, гуленят; озадот ярмаконь полафнихть. Исус тись пиксста локша и панезень шкайкудста сембонь, учаснонга-букаснонга, срафтозень полафнихнень ярмакснон, моркшснон веляфнезень. Сяльде сон мярьгсь гуленянь мишендихненди: «Сявость нятнень тяста, Аляньконь кудонц тясть тиенде мишендемань-рамсемань кудокс». Тя пингть тонафниенза лятфтазь сёрматфть: «Тонь кудцень инкса седиень паломась сиви эсон».
Тянь каршес иудейхне мярьгсть тейнза: «Кие тейть максозе азорксшить тяфта тиендемс? Кодама тяшксса тянь няфтьсак?» Исус мярьгсь каршезост: «Калафтость тя шкайкудть, и мон колма шиста меки стяфтса». Эста иудейхне мярьгсть: «Тя шкайкудсь путневсь нильгемонь котува киза, а тон колма шиста стяфтсак?» Аньцек Исус корхтась эсь ронгонь шкайкудть колга. Мзярда сон вельмась кулофста, эста тонафниенза лятфтазь валонзон, кемасть Сёрматфти и валхненди, конатнень азозень Исус.
Ерусалимса очижинь иласа Исусонь улемстонза ламонцне няезь сонь ацерманзон и кармасть кемама сонь эзонза.
ИОАНН 2:13-23
*а Очижи (еврейкс песах), мокшекс "вакска ётама" али "ужяльдема", илать лемоц максфоль израилень ломаттнень Египетста лисемаснон колга лятфнеманди.
320 
