Bible Stories
Choose Language
Choose Old Testament Story
Choose New Testament Story
ИОАНН ТОНАФТЫ И КСТИНДАЙ
Минь лувондоме ни Захария озксвятить и Елисавета рьванц Иоанн цёраснон шачеманц колга. (Ваныть 286-288 лопаланкнень.)
Од цёракс Иоанн эрясь шавмодаса. Азорсь аноклазе сонь оцю тевс – азондомс ломаньтналти Мессиять курокста саманц колга, аерфтомс ломаттнень пежетьснон эзда. Иоаннонь шачемас сядот кизода инголе ни Шкайсь пачфтезе шкаймаряйхнень вельде, кле, Иоанн анокласы ломаньтналть Мессиять саманцты: «Вов, мон кучса кулянь кандыезень тондедот инголе, кона анокласы инголет кицень». «Шавмодаса маряви ювадиень вайгяль: анокласть Азорти кить, видекс тиесть якамань янонц».
Иоанн каннесь лангсонза верблюдонь понаста щам и шнаньгаркс, ярхцсесь циледида и вирьбаксянь медьта. Мзярда Шкайсь эвондась Иоаннонди шавмодаса, Иоанн ушедозе эсь тевонц. Сон якась Иордан ляйть аймакова, тернезень ломаттнень каендама и прянь кстиндафтома пежетьснон нолдаманкса. Сондейнза сашендсть ломатть пежетьснон панжема марнек Иудеяста, Ерусалимста. Иоанн кстиндакшнезень синь Иорданца.
«Ломаттне кизефнезь сонь: "Мезе ина тейнек тиемс?" Сон корхнесь каршезост: "Кинь щамбяльдонза кафта, ся фкять максоза сянди, кинь аш; кинь ули ярхцамбялец, сявок тиеза тяконь". Састь прянь кстиндафтома каяфксонь кочкайхневок, мярьгсть тейнза: "Тонафты! Мезе тейнек тиемс?" Сон каршезост: "Тяда сяве каяфкс путфта вельф". Тяка лаца кизефнезь ушматтневок: "Тейнек месендема?" Мярьгсь тейст: "Ломань кядьста мезевок тяда нельге, киньге лангс тяда кяльготне, эряда покодеманкса пантфть лангс».
МАРК. 1:1-8; ЛУКА 3:2-18
310 
